江恩 ~ 贏在轉勢

今晚行過書店 , 見到有一楝賣唔去既書 , 走埋去睇睇 ....拮左幾頁 , 以一個普通投資者去評論 .... [  你地自己去查下在香港乜野先叫普通投資者 ] 


寫這本書既人連股票市場  [ 係唔係 ]  零和遊戲既低級概念都攪錯 , 可想而知佢應該連最基本既炒賣知識 / 經驗都冇 , 亦無受過任何正統既金融行業訓練 ....係  [ 作 ]  家


書尾寫著  [ 知識改變命運 ]  , 係該筆者講既 ......不過 , 佢自己既知識都係錯既....又點會能夠改變命運呢  


買呢本書既人 , 應該好好運 , 因為內容同我以前既教材 , 有 9 成 9 仿真度 , 連點樣在 Gannalyst 轉  CSV 入 Metastock 都係抄我地既版本 , 懶到改下都唔改...... ( 我考慮告佢侵權 , 攞翻多少駛用 )  , 只可惜 ......佢因為無料 , 寫左上邊句說話 , 露左底


我開始理解 ....點解成楝賣唔去 , 其實我係想去睇本 [ 甘氏理論 ] 再版 ....應該會好好多


突然記起有朋友叫我近期唔好上咁多人地果 d 有投資評論既 Face 哭 , 仲千祈唔好出手俾讚及有份參與該群組活動喎  


因為以前有位好紅既炒野  [ 士乜 ]  Sir , 俾證監釘中 , 話佢在群組表達投資意見有問題 , 跟過佢既群組成員全部要被召集上證監俾口供 , 仲要將佢地過去半年既買賣資料 , 提供俾證監 , 睇下有冇合作做市 , 攪到一身蟻


我就講晒俾識我既人聽啦 ......因為一個唔好彩 , 有人唔好運被人釘中....好長手尾 


我唔係大你地 , 我近年都講少左好多野了 , 我諗你地都明我講乜架啦 , 唔信  ?   識人既問下乜 Sir 以前既學生就清楚了 .....證監要 Face 哭交人 / 資料 , 應該冇乜難度 


無法啦 , 咁多人混水摸魚 , 豬狗都話開 talk , 證監唔做野都對唔住大眾股民啦 ....我支持 !!




Yam