好野 !

今早拜山歸來 , 沖番個靚涼 , 慣性地開機上網 , 求其輸入 HSI trading .......

原來香港有咁多賭徒 , 坦白講.....賭徒係有樣睇架 , 由其是賭精 .....除左個樣 , 佢既氣....直接話俾你知佢賭幾大 , 輸緊定贏緊添



https://www.youtube.com/watch?v=mDNc_poJxRM


在 Youtube 裡 , 好多賭徙 ( 男女都有 ) 分享左炒港期講座又或座談會既片段 , 大部份當然係....UP 多過做 ....後來 , 見到有一段係 TIM Sir 既即市示範

以前 , 當然聽過學生講上佢既堂即市示範時既得失啦 , 呢次有機會真係睇段片 ......


坦白講 , 我會俾 80 分佢 .....佢既炒法 , 同我以前既 day trade 死鬼拍檔太似了 , 佢兩個都係賭精 , 賭精叻既地方 , 就是能好快分得出即時上定落 , 個趨勢可能係分半鐘又唔定 , 兩分鐘又唔定 , 有 D 仲係幾十秒就完 , 即係話你要從個價格既閃動 , 在腦海裡 [ 造 ] 一個圖出呢 , 跟住跟據呢個未發生既圖去做後向決定 .....當然 , 賭精既弱點就是............


呢個方法 , 其實係我地以前炒匯時 , 只有報價機在面前閃閃下訓練出來的 ( 果個年代 , 因為未有咁先進既平台 , 有既只有 Telerate / Reuters  既綠色 monitor ...只有報價的 bid / ask 數字 ) 

以前 , 大部份 Scalper 都係咁樣就炒架啦 , 鬥腦靈 , 無腦既 , 無得炒 ....實戰即時對決 .......純 Mind Games 


講番段片 , 見佢一開波輸幾千 , 因為做錯野 , 但戰意仍濃 , 邊走邊打 , 最後反敗為勝 , 大部份輸贏都是十多點至二十點之間上落 , 呢種風格 , 早幾個月有參與 Yam Group 即市群組既朋友 , 應該見識過了


講真 , 我在片中佢既旁白裡 , 聽得出佢係一個好夠經驗 , 處理風險成熟既炒手 , 心理狀態良好 , 有紀律 , 手到拿來既高手 , 如果純以一個即市 Scalper 來講 , 已經可以成為後學者既模仿對象 , 我一點兒冇誇大 , 從佢既炒賣經驗睇呢 , 應該起碼有二十年功力  (  我意思係通竅後 )


如果作為想入行炒賣既新手 , 呢種可以係好既開始 , 新手最緊要既唔係輸同贏 ....係 [ 穩 ] ........我建議你地可以向佢學習 , 當你控制到穩既時候 , 先去再考慮其他 [ 天花龍鳳 ] 啦 .....







Yam