看圖識字

HSIF weekly chart

圖....係我地日日都睇既工具 , 但你是否明白圖中走勢表達的意義呢 ?



呢幾年來有一個有趣既莊家行為發生緊 , 就圖中所見 , 你會見到很多 [ 藍圈 ] 圈住既趨勢 , 此等形態書本上學名是 congestion , 即市況行情在收窄及迥轉 , 形成一個來來去去之區域 , 成膠著狀態 , 持續數個星期至一個月不等



為何要提出呢種狀態 ?




此情況對用期權去捕捉可能波幅 / 方向既買家 , 極度不利 , 因為大部份期權買家傾向用成本較平之 [ 即月 ] 期權 , 貪其成本輕而槓桿大 , 一旦中正波幅 , 利潤可觀



但我們從圖中所見實況 , 莊家不怕你呆 , 只怕你唔來 , 面對著貪便宜之期權投資者 / 買家 , 莊家傾向以 [ 拖字訣 ] 去將期權時間值消耗 , 直至月尾到期而不能行使 , 買家全軍覆沒 , 莊家則袋袋平安



即係話 , 若果你睇岩方向同波幅 , 千萬要考慮既就係用唔用即月期權 , 又或用隔月又或季度期權 , 以增加 Time is on your side 既優勢


當然 , 此舉會增加炒賣成本及降低槓桿 , 不過 , 比起權金被全數沒收 , 看中波幅時又贏唔到錢的話 .....你點揀呢 ?









Yam