That was friends of all

到左呢 d 年齡 , 你總會跟幾位大眾都識既朋友渾熟 , 佢地就係 Mr. F ... Mr. M .... &  Mr. X




Mr. F ~ funeral 葬禮先生


我敢肯定你到左我呢個年紀 , 去葬禮既 frequency 一定高過去飲 , 仲係年年都有人幫你報數 , 阿邊個邊個走左了 , 在你腦海裡 , 仿佛唔係好記得佢個樣子 , 更加唔記得你幾耐之前見過佢 ....感覺上  so far and yet so close , 但你去得 , 就肯定你同佢曾有過某種連繫 / 瓜葛




Mr. X  ~ X Ray 先生


我又更加肯定 , 你去照 X 光既次數 , 可能比你識過一個新女朋友仲多 , 因為 , 你總想 KEEP 住個身體 / 狀態 , 好樣或死樣咁繼續去追女 , 每次照 X 光既範圍都比上一次大 , 因為你比起以前更容易受傷 , 因為年齡大而一次深過一次



Mr. M  ~ MRI  磁力共振先生

當見過 X 先生之後 , 都解決唔晒你既問題之後 , 你總會向 M 先生似熟賣熟咁 , 想佢比一些更好既 advice 你 , 不過素來無乜表情既 M 先生 , 每次見過你之後 , 總會將你最差的一面 , 兜口兜面咁話晒你知 , 坦白得可愛





今天早上 , 我走去見 Mr. M ......



牛龜咁大部機器 , 真像時空穿梭機 , 被推進那幽暗深洞裡的感覺 , 其實同死了被放進棺材無乜分別 , 係釘埋蓋果隻 , 當我被知會要在那個假棺材裡 , 過度三十分鐘 , 那一刻................



好在我無幽閉症 , 若果唔係 , 分分鐘屈死左响裡面 , 那一刻才明白平常襌定十幾年既功夫 , 終於有用得著既機會  ( 橋段好似 Steven 周套國產 007 李力持被處死果幕咁 .... 三十年功力 ......哈哈  ) , 個無乜用既惜身 , 咪由得佢俾部機遭撻下囉 , 我就當入定咁走左 ......



如果你地仲未見過以上三位人兄 / 或人妻 , 準備好吧 , 有生之年 , 你總會見佢地一次 / 或多次 ....只怕就係 , 佢一見到你就好熱烈咁介紹佢大佬俾你識 , 話佢大佬好想認識你 , 同你做個 Friend .......



佢大佬係邊個 .....Mr. D .....死神





你最好由而家開始 , 練得一身襌定好功夫 , 見到佢一走置之











Yam