Choice ? up to yrself

 

 

 

 

 

 

 

 

 

 

 

 

 

 

 

 

昨晚同幾位資深 Yam group member 吃飯 , 有既都已經是全職炒賣者 , 亦有既都係高度參與市場走勢, 等候機會的 Part Time Gann waiter ........


飯後討論有關為何現在有咁多年青人參與炒賣行業 ? 佢地亦唔明點解佢地其實有咁多野可以去做 / 如創業等  , 而一定要去 Trade 野


坦白講 , 我無意去說服你參與呢個行業 , 因為你而家先入行 , 論資歷同技巧就一定係我既手下敗將 , 但我既入行情況 , 可能俾到你一個參考



年青時 , 我用過好多時間同資源 , 攪過好多 [ 實業 ]  , 甚至飲食業 , 產品代理授權 ....等等



攪過咁多 , 都冇乜好結果 , 可能是因為我能力有所不及掛 , 但總結咁多失敗經驗 , 不外乎以下幾個理由 :



1)   Start up / set up 成本佔資金比例太重

2)   Carry cost 經營成本佔去行業利潤比重傾斜

3)   行業倚靠客源情況非常不穩定

4)   人手聘請 / 安排困難

5)   客戶人際關係變化難以捉摸

6)   生意規模被整體經濟大環境帶著走



以上多項其實都已令我對創業產生恐懼症 , 因為當中既問題 ...主觀性既可能好易解決 , 但客觀既困難 , 並不是你獨力話解決到就能解決 , 多項問題加起來 complex 過  complex , 除非你千頭百臂 , 否則都難以一一改善


到最後 , 我明白到如果有樣野係大部份成敗控制於你自己手中 , 經營成本不太多 , start up 資本少 , 虧損可以自己決定 , 不需依賴客源 , 經營時間同地域不限 , 經濟好壞都有得做 , 經營方式簡單 ....重要既最後一點......不需靠人際關係


我想通了 , 就如解脫了一樣


所以我往後 , 只係每天都往呢行裡鑽 ......可以睇既書睇晒 , 有用既資歷考晒 , 開始在行業中打好基礎 ,冀望盡量了解所有有關事物......最終 ....就走上了 Trader 呢行


當然 , 就如其他行業一樣 , 呢個行業都會有困難既 .....獨立決定 , 單打獨鬥 , 無支援 , 考驗耐性 / 人性 , 困身 ( 24 小時 ) , 心理病 , 妄想症 , 自大 , 紀律等.....都是你的敵人


凡此以上 , 都需要長期之鍛鍊及經驗 , 亦未必適合每一個人 .....我要重申既係 ......同任何行業一樣 , 想成功...... 都必需付出比人多既代價


But I love it and still enjoying .....Hope U can do so !




Yam





P.S   ... Official Astro seminar Whatsap Group  已截止申請 , 你唔需要俾任何 commitment 我 , 但希望你地俾自己一個嚴謹既 commitment  , 尊重番你自己既決定去作為一個考驗自己既機會