奇門頓隔

 

 

 

 

 

 

 

 

 

 

 

 

 

 

 

最近幾期既中三個字

 

 

 

今晚出外吃飯 , 行在街上顯得非常舒服 , 大概係因為出外旅遊之人仕多了 , 反而留在香港既人少左 , 空間突然大左好多 , 空氣都清新 D

多得近年旅行社以平價傾銷旅行團費 , 在係人都俾得起既同時 , 旅遊.......已經係平民活動 , 加上祖國同澳門既通姦酒店 / 溫泉渡假村比比皆是 , 令不少唔想見到熟人之 [ 特別關係 ] 人仕 ,別有住處


行過見到報灘有份紅紅綠綠類似聖誕花紙既物體 , 原來是一張六合彩報 , 在祖國我見過 , 但在香港 , 比較少見 , 花了 6 個大洋買左佢 , 只係想從一個成日都中六合彩既人既眼光去睇下辦報人對六合彩既睇法係點


凡係有派彩既遊戲中 , 就有既得利益者 , 股場裡我地有各個名家 , 馬場裡有練馬師 / 馬主 , 娛樂圈中有淫媒 , 六合彩報裡當然係辨報者啦


報內用上各種神奇既預測方法 , 講得出既老千手法都有 , 什麼像推背圖既 [畫中有玄機] , 估 [顏色大細波] , [天圖報局] 魔法陣 , [十二生肖運財密碼] , [太玄卦數] , 就連八仙都出埋 , 總之就係你聽過既預測學古典人馬 , 通通搬埋出呢 , 炒埋一碟

仲有既就係連江恩都有用既  Kabbalab 都用埋 ....非常有娛樂性


在我既理解 / 眼中 , 江恩並冇利用任何既預測方法去預測中獎機會 , 佢只係用左佢自己命裡既  [ 有利時間因素 ]  去投機而中獎 , 因為預測 macro 大事唔係一件太容易既事 , 反而預測自己既行運日子 , 把握比較大 , 本著行事在人 , 富貴由天既心態去投機 , 中不中則由佢


如果你有在澳門賭錢既經驗 , 你應該好清楚 [ 輕鬆錢 ] 非常易贏 , 但一旦你想贏大錢既時候 ....就 .......


睇完成張報紙 , 我突然又有一個  [ 奇門頓隔 ] 既想法 , 就係凡係報中預測既號碼 , 我都飛左佢 ......哈哈





Yam       $_$