未做的事

 

 

 

 

 

 

 

 

 

今早眾天家又提我一件未做的事 ,  叫我盡早了結佢


住在這裡山高黃帝遠 ,  好既就係成日有  [ 野 ]  提你唔好做乜 , 要做乜 ..........好有規矩 , 壞既就係你會見到晒眾生既毛病同缺點 , 令你驚嘆 / 惋惜 !


上面既一本書係我最近先有心機慢慢睇既 , 係葉漢良先生既作品 , 精彩既地方就是......成本書幾佰頁只係討論一樣野 ~ 人係咪宿命 , 仲係用好多角度去演繹


我諗攪 Gann 同攪術...數既人 , 其實有冇宿命.....一早就知 , 你試過用斗數搵 T 轉勢咪知囉 !   


仲有既係 , 你夠有手有腳啦 , 你可唔可以同  Jordan  一樣 , 餐餐 [ 入樽 ]  呀 !     人一生出呢就有佢本身既極限 , 無論係心理同生理 ,  呢個已是一個大宿命 , 人地做到既野 , 你恨不得 , 亦不可恨 , 否則  [ 求不得苦 ]  現前 


問題係世上有好多人 , 成日自視過高 ,  自稱神自稱佛 , 話不受宿命影響 , 到頭來避忌唔到 , 最終咪又係死路一條 ....... 凡人凡人 .......懞然不知自己既渺小


葉先生以前既電台節目 , 在 n 年前我聽個陣已經好有哲理 , 多年後既今天我仍有印象 , 之不過我到近年先知佢係斗數高手嗟



香港係一個好有趣既地方 , 成日出高手既 , 仲係世界級數既......... 何解 ?   地理環境 ..... 堪輿也 !



Yam        :  )