明思...鳴絲...名師

 

 

 

 

 

昨天預測完即市分鐘轉勢後 ,又收到幾封 email ...問我幾時開班 , 會否教即市炒賣 .....

我以前教學之出發點, 是希望藉著教授江恩  [入門 ]  技巧 , 可以令你對呢個行業產生一個另類選擇 , 從而令學員專心點去發展佢地自身性格上之長處 , 對治番本身之盲點 / 弱點 , 及培養出一個可行之方法 / 紀律 , 有待他日技巧鍛鍊成熟時 , 都可以以炒賣謀生 , 擁有一技之長

但當有一些稍有開悟 , 半桶水...只有小聰明既學生 , 都自以為是地走出去建立群組 , 口口聲聲話自己有幾叻 , 預測有幾準 , 開班教人既時候 , 我就會耐唔耐預測下即市分鐘轉勢 ....見自己，見天地，見眾生 , 緘默下佢地

因為呢個係去辨別一個名師之考核明證 , 好多人懷疑佛法是偽學 ,所以先有 [ 三法印 ]  去辨偽 , 如果你話你係江恩名師 , 唔該你好似我咁 , 預測一次咁多俾你既學生睇睇

若果你連呢種功夫都做唔到的話 , 又點可以令人信服呢 ! 更加唔好話俾錢你學 , 世上濫竽充數既名師 ...大把

古時師傅授徒時總會留有一手 , 我就係留左呢一手冇教出街 , 老猿掛印，志在回頭 , 不懂回頭既 .....終會失手

上完九華山 , 我先 [ 充分 ] 明白乜叫地獄 , 這裡就是 ....

社會風氣道德淪亡 , 男女關係混亂 , 人心險惡奸詐 , 從商既只盡其利 , 從來冇考慮過社會責任 , 攪地產既...攪囤積 ,誓將樓價扭曲推高 , 弄得民生惡劣 , 大部份人之收入只顧供樓 , 生活 / 家庭壓力導致夫妻關係失敗收場 , 唔滿意既就生婚外情 , 老婆走去搵過個老世 , 老公既豪賭不逐 , 燒炭身亡.....多的是 .....

貪財物欲主義抬頭 , 女既笑貧不笑娼 , 為左上位既...乜都可以賣 , 男既冇得賣就走去呃..... 再唔係既攪衝擊政府 , 以求出位 , 名成利就 , 你話呢道唔係地獄 , 係乜 ?

話說回頭 , 我以前教出街既技巧 , 你只要稍加思考 / 轉化 , 足以生存 ...至於發達嗎 ....就要睇你自己鑽研既努力 / 深度了 ....最後....都係睇福報同前因 .....

所謂  [ 各有前因莫羨人 ]  , 諗清楚呢句話 , 你就明心見性 , 不再樊緣而有所求 ...不求...就自在了


Yam