一相情願 , 一生不變

 

 

 

 

昨晚是已故皈依師父之 " 五智完滿 "  紀念日 , 眾多師兄為了紀念佢老人家 , 攪了一個法會 , 順便大家聚下面 , 吃下齋菜自助餐 , 不亦樂乎 , 法喜充滿

師兄們略嫌出面之齋菜太過油膩 , 所以沒有攪到會, 用左佢地自己好多時間 , 整左成日 , 在此 , 我衷心多謝佢地 , 並向佢發心 , 他日再有任何師兄弟聚會 , 我都會出錢出力 , 充當護法 , 儘一分綿力


在座好多新師兄都係我未見過既 , 無他 , 因為太忙 ,冇出席法會好耐 ,今次若果唔係大師兄親自打電話俾我 , 我都可能 miss 左....

閒聊中 , 大家同年資較少之師兄分享起皈依之意義 , 當談及大家學佛之時間多少時 , 就連我自己都唔太記得起了 , 但師兄就即時數起來.....

"  你就 32 年了 ,  1982 年皈依 , 早我 3 個月 !  " .... 連我自己都記不起既野, 你身邊既人反而清楚過你 , 我隨即多謝師兄提點 , 亦感到有一個對自己咁關心既人 , 是一份福氣 .....


有乜野係會經歷左三十幾年而不離不棄不變既呢 ?  愛情 ? 友情 ? 親情 ?  .............


           佛所謂空性 , 無住亦無變
           所謂本來空 , 心原是一念
           所謂畢竟空 , 境借因緣現
           偏廢落頑空 , 沉於斷滅見
           圓妙証真空 , 雖寂而照遍
           了徹五空義 , 自然佛智顯 


此刻....又在家開始了 " 做功課 " 的日子了 .......因為.....時日無多 .......

Yam