呢種唔係負面同正面情緒之分別 , 而係認識清楚人生既真實 /虛幻 , 事實上 , 無論你係 20 歲 , 30 歲又或 40 歲.....明天隨時都會因唔知乜野原因而離開 , 若果離開前並未有意願 / 經驗引發 " 出離心 " 的話 , 來世你總會再被拖進另一個更糟糕的孽網 , 九成會是下界
又是 7 中 3 ....呢種已經變成日常工作既動作 , 已經做成慣性既軌跡 / 回報 , 起業因...得業果 ....如果係攪 astrology 既 , 總會明係乜野做成 , 前世之 Karma ...累積成今世之感召 ....都幾有趣架
話總說回來 , 一日未玩完 / 走 , 都仍要吃飯 , 本來今天已在飛往名古屋之飛機上 , 後因有人唔得閒 , 去唔到 , 好在昨晚又有人搵吃飯
自從我深居淺出以來 , 經常都係只做陪客 ......陪吃
昨晚相約於 Soho 區 , 早到港島 , 經過春園街 , 係以前成日都去既地方, 細意重溫一下 , 都市現代化帶來既好壞 , 因人而異 , 但以往之小店經營模式 , 已買小見小 ....剩餘下來的幾間古舊玩具鋪 , 都能找回不少童年回憶
上到嘉咸街 Soho , 因以前跟朋友開過一間 Design Workshop 在這 , 所以經常流連 , 喜歡吃蛋撻的習慣就是當時形成的 , 該老餅店現已消失了 , 可幸既係老涼茶蔗汁鋪尚在 ......飲番杯作餐前酒 ....嘻嘻
我唔會喜歡好多人既食店 , 最好係冇人既 .....因為食野就應該是在好舒服既環境下享受的 , 該小店平常好多人 , 但一到週末晚上 , 由於少了中環之辦公人仕 , 顯得冷清 , 正........人地既弱點就是我用到既優點
一客火炙 Toro 已經令我吃回 30 年前在日本吃到之味道 / 回憶 , 再來一客朋友點既魚鱗圈.....已經迥味無窮 , 此店非常平實 , 絕無一般日本店之 "見人斬人" 氣質 , 每道菜色都是 " 手工錢 " .....值得一讚
工作時工作 , 享受時享受當下 , 但要常備 " 出離心 " , 呢種就是在城市裡修行既特色 , 就是六祖開悟之金句 : 應無所住而生其心
Yam
