恆生指數現貨日線圖
.jpg)
暫時 , 我地睇到既係一個 Octave ~ Perfect Fifth 裡既 2 : 3 間斷式比例 , 內裡一如以往挾雜著 fibonacci ratio ....亂 9 咁用
呢個係香港既特色 , 因為要挾人而專登偏離原來之完美比例
呢種特色就係令到眾多外國 trader 唔會參與買賣香港指數的原因之一 , 亦係導致今天期指成交量跌到得 5 位數既主因
我不太建議你地入呢個場 , 當然仲有幾他理由啦 , 公開場合亦不便分享
如果你仍然要參與的話 , 風險閣下自理啦 , 君子不立危牆下
Good luck , Think about it , happy weekend
Yam
HSI cash index daily chart
複雜事情簡單化
分析市場係咪一件好難既事 ? No
只要你確立了一個立論點 , 整個市況都會呈現在你面前 , 如果你唔扇 , 就要好似我咁 , 用邏輯 / 浪態 / 比例...去確立又或否定你見到既野了
上圖 , 我地 [ 假設 ] 大魔年頭既 187 係岩既 , 我地就要以該目標 , 慢慢用浪態砌翻晒 d 比例出來 , 大致上唔難既 , 問題只係你扇唔扇 , 此點同你數浪的功力有關 , 與人無尤 , 數多一萬個浪你就識架啦
現在你應該已經能夠 [ 局限 ] 個市場去邊了 , 咁.....咪知做乜囉 !!!
祝你地能早日上路啦, 阿門
Yam
HSI daily chart
今天 , 我將自己既思維 , 倒退回十一個月前 .....給你再看一次
2026 年頭 , 大魔預測港股市場會在 347 / 187 之間上落 , 中位 267 ....
正所謂大戶劃圖 , 佢跟據什麼去定義兩個位 , 跟本唔重要 , 我地做閒家既 , 亦跟本不需理會點解 , 因為最終既結果我地跟本唔會理岩與否 , 我地要既係 ~ 贏錢
技術分析裡 , trendline 係所有野既終極 , 一線定江山 , 只要趨勢升 / 跌不穿一條有意義既 [ 方向線 ] , 我就仍然向果個方向去睇
年頭 , 趨勢向上 , 劃線依據 347 去畫 , 向好做好 , 直至 2 月尾 , 趨勢跌穿 , 中位 267 失守 , 格局已明顯向 267 樓下187 發展 , 4 / 5 月橫行 , 是下跌浪之橫行伸延區 , 趨勢反覆向下尋 , 到了第 3 季 , 下跌趨勢突破下降線 , 向中位發展 , 最後於 8 月升至 261 , 但整個下跌趨勢之高低頭並未升破 , 意味著只是反彈 , 中位久久未能升穿 267
9 月久守必失下 , 趨勢向下試 , 直至今天 , 仍向下尋 , 即係 187 方向
在圖中 , 有幾個箭頭 , 都是下降趨勢之高低頭 [ 開始點 ] , second head 是判斷下降趨勢考慮之重要價格及 pattern , 所有淡倉 , 亦會於升穿該處後止蝕 , 價值就在這點了
講左咁耐 , 講到而家 , 我都無用什麼經濟數據 / 分析公司盈虧模式去預測大市 , 更加冇用什麼期權盤路幾何妙法去判個大市 , 可想而知 , 出面既名家不斷去巧立什麼名目 , 捏造 / 亂用一堆方法去誘使你俾錢上堂 / 入組 / 同行 , 以假亂真 , 不知所謂 , 劃蛇添足
我只用最簡單既 [ 劃線 ] , 就分辨出牛熊 , 方向 .....殺雞何需用牛刀 , Trendline 是王就是我的信念 , 因為由頭至終 , 市場都係大戶話事 , 佢唔去你奈佢唔何 , 佢行你一定睇到......
就係咁簡單 , 大道至簡 , 係我 trade 左 30 年既睇法 , 無需改變
想贏既 , 唔好攪咁多野 , 像個十歲小孩得架啦 , 信大戶 ....OK , 反正你攪咁多野 , 都總會錯 , 記得我以前講過九頭龍的故事嗎 ?
大部份所謂名家 , 將事情簡單複雜化 , 收多你好多錢架
Yam
https://yamgroup2013.blogspot.com/2026/10/blog-post_09.html
現階段 30 天內只開好倉
Happy weekend
Yam
將來整個世界經濟會點 ? ....一百年前已經寫晒出來 , 並不需要任何人去解讀
早幾年 , 有條江恩棍 , 睇到 Gann 呢個 table , 心想若果係真既 , 點解唔利用個 table 作為出書成名既好機會 , 所以以個 table 既內容 , 加多減少吹噓佢係江恩名家出左本書 , 又話自己預測到乜野 2017 是牛市 , 2018 是熊市 , 乜野預測到 QE ......股災等時機
我地睇番上便個 table ...江恩一百年前已經描述了 2017 是 high stock price ( 大升市 ) ....而 2018 是 panic ( 股災 ) , 而 2021 是 waste over extravagance ( 通貨膨 / 滯脹 ) , most money in circulation ( 即是 QE ) , much speculation ( Bitcoin ) , 又講 2023-2024 係大穫野 ....biz stagnated , despair / unemployment
其實該條 [ 江恩棍 ] 就係攞個表作內容 , 出本書利用個表去 [ 狐假虎威 ] , 扮先知 , 扮名家
該名江恩棍 [ 出書 ] 話係佢自己預測到既 , 真係天下間最大的笑話 , 懂 Gann 既 , 大家都知乜野叫尊重 , 我地係 credit 番前輩 , 所以先將個表作為大家既 reference , 出書都唔輪到佢出 , 要出書可以 , 唔該你講到明係江恩既預測 , 唔好話係你自己獨特 / 偉大既發現
江恩個表在互聯網已經存在左 N 年 , 你只要打上 [ 江恩 financial time table ] 幾十個版本都搵到 , 再打埋 Samuel Benner cycle ...就將來乜野經濟狀況都可以預測埋 , 駛 Q 聽你嗡咩 ....棍
學緊江恩既 , 麻煩講俾出便既人知 , 呢個就係 [ 江恩棍贏在轉勢日 ] 既經典老千故事 ...以正視聽 , 唔好俾佢呃啦 !!!
我已經無教 Gann 了 , 所以唔存在利益關係 , 完全係出心維護番江恩既聲名 , 證明佢一路都係抄緊江恩既預測 , 不斷作故仔跑龍套呃你而矣
江恩小膿千棍之 2017 年度預測
坦白講 , 我企左响香港江恩派十多年 , 絕對唔會無證據就去話人既預測係.....流既
有圖有證據 , 上便幅圖 , 你地可以隨便在網上搵到 .......係 [ 江恩棍語言藝術者 ] 書中在 2016 時對 2017 年恆指既預測 ( 佢成日講到係佢好準既預測 )
圖裡有兩個模式 , 網羅左向上 [ 或 ] 向下既 parity .....轉勢月佢偉大地列舉左 3 月 , 6月 / 7 月, 8月....9月 , 10 月 ....11 月....12 月係 [ 轉勢月 ]
其實即係只有一月 , 二月 , 四月 , 五月無轉勢 ........呢一堆廢話幾乎係等同無預測性既 [ 藝術語言廢話 ] , 一年 12 個月裡佢預測左 8 個月會轉勢 , 機率上即係無預測過 !!!
最後 , 佢話 2017 年最後見頂係 11 / 12 月 , 而事實市況剛巧相反 , 趨勢在 12 月作出是年最大既升幅 , 去到明年一月尾見大頂 33484 先回落 , 坦白講 , 佢岩既只有一樣 , 2017 係升市 ( 係人都預測到既 50% 機會 )
不斷去吹噓 / 無限 loop 自己預測中 2017 ....以為一千個大話就變成事實 , 往往就係呢一代年青人既 [ 死症 ] , 你可以用任何名 , 任何派別去形容你既 [ 語言大話藝術預測方法 ] , 但唔該唔好扮同江恩理論拉上任何關係 , 你配唔起佢個名 !!!
Yam
.jpg)
江恩小虫千 KOL 今天 post 左幅贏錢圖出呢 , 搏你唔識 / 會 fact check , 信佢真係贏錢喎 !!!
圖中主角係 0303 偉易達 .....佢話平均成本買係 $34 ....而家升左 63.12% ....$55 沽左賺左 $76250
如果你就咁信佢 , 乜都唔睇 , 你就係豬一隻啦
我地睇番 0303 圖 , $34 個價只係在 2008 金融風暴底見過 , 之後 2017 年上左 $ 130 .....
疑點一 , 懂江恩既點解 $ 130 唔沽 , 今日會在 $55 沽左先話自己贏 $
疑點二 , 持貨 15 年先沽 , 即係你一點週期知識都不懂把握 , 反而近期在底部先沽出倉底蟹貨 , 理由何在 ?
疑點三 , 舊貨 hold 左 15 年先在低位沽出 , 我諗用 moving average 結果都會好過用你既所謂江恩 + 週期理論 !
疑點四 , 如果真係在今年底部買過野 , show 果張單出呢既效果總好過個舊倉蟹貨張單卦
唔知 / 懶得去 fact check 既人會以為佢真係贏 63.12% 好勁 , 可想而知 , 佢都真係江棍一條 , 嗡得就嗡 , 如果個案例係真的話 , 案例就將佢既專家 [ 真相 ] 表露無遺了 !!!
奉勸各位勿以耳當眼 , 好多野 , 睇深一層 , 便知龍與鳳了 , 我幾百個江恩學生 , 都好清楚佢乜料了
股市缸湖險惡 , 大家睇車啦 , 仲未提佢在 168 exit plan 被大戶震左出場既笑話呀 ........
有真材實料既又何需 [ 造圖 ] 作假去呃人呢 ......我真唔明呢一代諗乜 !!!
互聯網裡 , 大話穿過一次就一世架啦 , 又出書又寫雜誌專欄 , 你只令我諗起兩個人 ~ 王晶同張致恆
若然不報只是時辰未到 , 如今........時辰到了 , 唔係話帶串佛珠 , 諗幾句佛號就能過到骨 , 擋到災咩..........如今我地明白 [ 泥菩薩過江 ] 點解了
你既 [ 初心 ] 係錯的話 , 無常鬼總會上到你身 , 令你惹禍
禍福無門 , 唯人自招
Yam
HSI cash yearly chart
進入了 2026 第四季 , 當然係考慮出年大市會點既時候啦
大戶唔係你同我一樣可以隨時入場揸沽 , 係要計劃出年沽幾多買幾多 , 在那沽 , 在那買
所以每年第四季就係最值得參考既 [ 形態 ] 既時刻 , 因為市場係 continuity 多於突變既 ....
上圖中 , 分左牛熊區 , 而 mix trading area 係最關鍵的 ~ 265 / 216 中位就係 241 ....即係而家
所以我地明白 , 大戶係 [ 培養 ] 緊出年既倉位 , 以便大後年可以交翻手
你唔明其實唔重要既 , 因為 , 你只係天天出出入入 , 跟本唔需要理 , 但對於持有現貨股票的人 , 呢個圖就變得相當重要了
Yam
.jpg)
