Dow 1 mins chart
Yam
2024年10月31日星期四
2024年10月30日星期三
星星不說慌 ~ 天造地設也要等運到
先天宇宙兩粒最強逞現六合大吉 , 加埋海王三合火水 ( 紅色線 ) , 即係天上七粒俾佢攞左 5 粒為所用
近期木星 / 冥王剛到位形成 120度高貴組合 ( 綠色 ) , 木主聲名 , 獲獎 , 名譽加封進爵 , 冥主獨裁 / 獨霸 , 天王主突然
整件事就咁岩出現在呢個時刻 , 亞洲富豪榜易手 , 張君成為新盟主
時也 , 命也 !!!
收集左咁多名人盤 , 我終於知道點解我係窮鬼了 ........
Yam
2024年10月28日星期一
2024年10月27日星期日
2024年10月25日星期五
2024年10月23日星期三
預測市場 , 其實是一種藝術
https://yamgroup2013.blogspot.com/2024/07/blog-post_89.html
三個月前的市場推演 , 現已實現
藝術的背後 ... 是經驗同觀察的累積 , 別無他法
so ......just work harder
Yam
2024年10月22日星期二
好野介紹
https://m.youtube.com/shorts/a_7CZ1ohSLU
我講過 , 無意義既 video 我係唔睇既 ....三秒鐘離開法則 .....
最近睇既多數都係有切身關係既野 ~ 仲係即時用到既 [ 技巧 ] , 有關身體健康既 .....
第一個係肌肉崩緊既 , 一天十幾個鐘 , 睇得電腦多 , 背部一定酸痛不堪 , 有時痛到半夜會不自覺醒 , 一直找尋方法 , 前幾天見到呢個 video , 跟住做 , 果然有效果 ~ 即刻果隻 , 唔信自己試下
第二個係老中醫既 ~ [ 老十針 ] 針灸法
https://m.youtube.com/watch?v=fainNHO8Oy4
功效係乜 , 自己睇睇 , 我當然拮唔到自己啦 , 所以今天走去搵醫師拮下試驗 , 拮完有種說不出既感覺 , 就係 , 身體裡既深層負能量....被引出體外 , 一股氣流由背上頸 , 拮完無乜野 , 但幾個鐘頭後 , 先感到威力無比 , 成個人好舒服 , 鬆弛晒 , 好似從新出世咁.....hhahhaha
片中醫師叫呢種做 [ 邪 ] , 大概係我地既風寒暑濕 , 秋天乾燥 , 火氣 / 邪旺氣盛 , 從此升起攪事所致 , 既然搵到咁好既野 , 當然要拮多幾次啦 , [ 老十針 ] 係有位終身經驗醫師總結出 , 貢獻後世作品 .......欽敬 !!!
你地家中有老人家既 , 就俾佢睇下 , 預防下吧 , 有必要時 , 搵人拮幾野吧
Yam
2024年10月21日星期一
2024年10月20日星期日
2024年10月18日星期五
諾貝爾 [ 預測市場走勢 ] 終身成就獎 ?
今午港期預測市場 [ 分鐘 ] 轉勢回歸結果
上邊個獎.....如果有既 , 我毫無疑問應該攞左架啦....
因為我從未見過全球有一位走勢預測家做到我今天既預測 , 準確度百份百 , 時間誤差不出一分鐘
仲講埋方向性 , 先上完後完美回歸我預測結算價果點 , 好似成個市場劇本係我編輯既一樣
同果 d 咩野預測一星期裡有二三個轉勢日 , 又唔知上定落 , 乜野佢本來上就即係落 , 本來落就即係上既江棍棍比 , 真係..............
Yam
超標 Kill Bill 完成
HSIF 1 mins chart @ 14: 40 18 Oct 2024
咁快就完成 .....真係叻叻 ....sit la Dog ....
而家玩 linear regression 啦
我天天剩係食你條 [ 魚尾 ] 已經夠生存了
而家唔係你操縱大市 , 係我操縱你去操縱呀.......狗奴才
我果個倉 ( 你天天跟緊 ) 假架傻仔 !!!
醒少少啦 .........
Yam
環保 ?
中午 , 為了省時間關係 , 通常都在家整一些簡單食品 , 再留番下午落山吃豐富晚餐 , 補充中午不夠既配額
咁做可能造成所謂營養不佳 , 對我來說不是大問題 , 我所知既係 ~ 吃得越少 , 身體流失需要去消化佢既能量就越少 , 剩下既能量就留俾身體其他器官用
呢種狀態唔係我既偏見 , 而係我見到我既師父 / 師兄 , 個個過午不食 , 少病少痛 , 咁我又何必吃咁多呢
好似脫左題 !
我今天整左碟日式中辛咖哩隔夜燒肉新鮮午餐肉炒蛋飯 , 整完後用左 5 張紙巾去清潔用具 , 買野番來用既膠袋 .棄置左 3 個 , 仲未計用洗潔晶同用水去洗翻干淨 d 煮食工具 , 電費就當然無得計啦
即係我一個人咁簡單既一餐 , 其實都已經 [ 不能環保 ] 了 , 咁你地屋企成棚人果 d , 點環保呢 ?
環保既概念 , 可能真係得個講字 , 係一個大騙局 !!!
想環保成功好簡單 , 殺晒人類就得啦 , 佢地係地球裡最大既廢棄物製造者 .....仲一代一代咁生 D 廢物製造者出呢 , 產生平方連鎖效應
Yam
2024年10月17日星期四
2024年10月16日星期三
沙士脾.....罅
財政司司長陳茂波周二晚上在渣打全球私人銀行於香港舉辦首屆全球家辦論壇首天歡迎晚宴上致辭。他表示，自從內地宣布刺激方案，為銀行業注入流動性，並為房地產板塊提供更多支援後，香港股市最近出現反彈，在這段期間，看到來自歐美投資者的強勁淨買入，按價值計算，他們約佔買方的85%。就這些投資者的背景而言，其中90%是長期基金經理和投資銀行。
陳茂波表示，今年1月，他到達沃斯參加世界經濟論壇時，會見了一些投資者和基金經理，當時從他們口中得到的訊息很清楚，儘管地區經濟分化，但全球的國際投資者仍然對內地市場的機遇感興趣。他們一直在在等待適當的時機在此投資。現在，他們看到了機遇，又指本月稍後將有兩隻ETF（交易所買賣基金）在沙特交易所上市，投資於香港的股票市場。
-----------------------------------------------------------------------------------------
等沙翁落埋場 , 港股就升天了
[ 淨買入 ] 呢三個字值幾多點 ? 5000 典 ? .....
Yam
2024年10月15日星期二
Gann's rule ~ measured move
HSIF 1 mins chart
每反彈若干之前幅度 , 則沽之 .....BUT .......先定義出兩個 measured vector !!!
比較出主流趨勢
Yam
Bloody hell ~ 財經 KOL
好了 , 大市現在好明顯是 2 浪 4 浪交替時刻 , zig zag 中 .......
咁我地去睇番市場未升之前 , 香港裡的投資 KOL , 邊 d 係 [ 狗嗡 ] 既垃圾
第一件 , 唔駛我講一定係江恩棍啦 , 因為上個月佢話等緊美國大跌 , 香港會跌深 D 咁話 ....
第二件同第三件 , 就係當時俾錢賣得最多 [ 炒賣課程 ] 廣告既 KOL .....記住 ~ 時空係大市未升前既 173 水平附近 , 9 月初 ....
Bossmind Bingo 話大市 [ 港股乏力 ] 仍有下跌空間 , 有機會下試 172
JK 巴就話港股向上突破機會....微 ! 建議你買入認沽權及沽出期指 ~ 睇淡 !!!
兩星期後大市升左 3000 點 , 而家又唔同講法了
我以前就係咁 , 恆常記錄住好多名家既 [ 事前事後 ] 評論 , 先知道全香港都係老千講師 , 評論家 , 名家 ....
從今以後 , 你地還會睇 / 信廣告 , 報佢地既課程嗎 ? 賣最多廣告既就係錯得最勁果個 !
你諗你啦 ....笨 , 證據確鑿 , 無花無假 , 出得呢行 , 預左要還 ...........
Yam
一生 / 身都是病 / 命
到左我咁既年齡 , 除左經驗之外 , 就只剩下了經歷....我已接近 0.8541
年復年 , 月復月 , 我地看到最清楚既自己 , 就是 ~ 星星既來來往往
好多人話如果...如果....點點點 , 佢就會點點點了 , 呢種說話方式 , 總是顯得相當幼稚 , 講果個人 , 跟本從來不面對現實 , 活在幻想裡
我前幾晚在餐廳吃飯 , 隔離個亞伯 , 睇住直播賽馬 , 賽果出左後 , [ 都話架啦 ] ...如果我咁咁咁 ....咪中囉
跟住等緊小巴 , 有對情侶 : 如果早十分鐘 , 行快 d , 咪搭到前面架車囉
早幾日 , 在公園享受大自然時 , 有個細路話如果佢呀媽成日唔迫佢讀書 , 世界就會完美了
上面果幾種人 , 其實....天天又係活在幻想中 .....活在 [ 如果 ] 裡
我會話 , [ 如果 ] ~ 只存在時間可以易轉既立場下存在既幻覺 , 如果你天天冀望如果會再重臨而事情可以改善的話 , 咁你既人生就真係糟糕過糟糕了
佛法說 , [ 過去 ] 已過 , 不能易轉 , [ 將來 ] 未來 , 不用冀望 .....[ 現在 ] 最真實 !!! 做好現在的你 , 就是把握真實的人生
如下既日子 , 再多既研究都不如 [ 健康 ] 的重要 , 所以 , 我已將大部份時間 , 投入 [ 占星健康 ] 裡 , 希望能有一番體會 ~ 因為 , 活到現在咁多年 , 我既健康都逃不出 [ 星星 ] 既魔掌 , 每一次大病 / 重要關口都被佢描述得非常精彩 , 如果過往是準確的 , 將來又點會錯呢
所以上便果兩本書 , 係時候要睇架啦 , 或許有一天 , 能成為一個占星健康師 , 搵出普通人搵唔到病既原因 , 做福人群 , 做一個真正對社會有價值的人啦 ~ 呢個只係我死鬼阿媽既願望..... not mine .......
Yam
2024年10月11日星期五
2024年10月10日星期四
平倉 ~ 離場 / 落山
HSIF 1 mins chart
Trade 野其實可以好簡單 ...........
好多人話要攞盡每一點 , 得不償失 , 我.....就 keep 住天天贏就算了
Yam
2024年10月8日星期二
2024年10月7日星期一
訂閱：
文章 (Atom)