各路人鬼預測名家

又新年了 , 各大股市老千江棍預測名家 , 又爭相出 [ 視貧 ] 搏大霧 , 搏大家唔記得佢舊年錯 Q 左 / 搬龍門 / 改內容 / 改插圖 / 洗自己版...等等行為 , 繼續賴有責任咁 , 大無畏地為大家服務

背後原因就當然係正職撈唔惦 , 周圍拗撈啦 , 加上臨近年尾 , 各牛鬼蛇神細行既阿頭 , 都已紛紛樹倒猢猻散 , 被炒既炒 , 走得既走 .....唔夠數既所謂細董事 , 想留低都難 ....頭癢緊唔知點算 , 得閒無事做 , 咪在屋企出下 [ 視貧 ] , 諗住留下 d 僅餘肯留低既客仔囉 ......真該煨 

預測市況中 , 最 Q 老千既就係成日攞八字同紫微出呢話乜野 XX 化忌....撞到 XX 化忌 , 就話個市會點會點 , 此舉直情係最當你老陳咁呃 , 就如同你亞媽同你唔岩 , 一係就你亞爸沖你 , 攪到你運氣一世唔好一樣荒謬 , 坦白講 ...唔係八字紫微斗數無料到 , 而係....

第一 .... 恆生指數有 n 個出世日子 , 你用邊個 ?  我知既起碼都有六個出生日

第二 ....恆指是陰還是陽 ?  你當佢是男或女去睇效果節然不同

第三 .... 你求乜其話呢個月是 XX 化忌就關佢事 , 就等同 XX 化忌就全世界都受影響一樣 , 有時 XX 化忌係影響唔到恆指架 , 又或者恆指會大好都未定架傻仔 !!!   恆指跟本就係 [ composite ]  , 由眾多股票加權出呢既 , 點會由一個日子決定好壞呀 !!! 

有 d  用易經去演繹既就仲離譜 , 易經裡 n 個  [ 卦 ] 的故事 , 配落件件事都講得通架 , 咁你話點定吉凶呢又 !!!

玄學 , 長久以來被人話呃人就係因為有太多呢 d  [ 棍 ]  在旁邊 [ 作 ] , [ 作 ] 既主因都係利益悠關 ......

所以 , 我一見到果 d 話用乜用物術數去睇 / 估市既  [ 千棍 ] ....都.....唉 .....你答左我上面幾個問題先講啦

如果你真係信 [ 易 ] 既 , 就明....知易者不卜了 !!!

所以我從來都叫你唔好預測 , Just TRADE  what U SEE ...用  M & M 法則 ....We calculate ....we don't guess !!!

千萬唔好淪落到好似果 d 名家咁 ....自己都唔知自己是人定鬼 , 自己掘個窿俾自己 .....





Yam