污穢行業 ~ 金融老鼠

金融業 , 其實是一個污穢不堪既行頭 , 且讓我分享一個故事

我近期講過一個我以前還是新入行做紅褲仔經紀既故事 , 相信大部份學員都聽過 , 金融行請經紀 , 係要個經紀搵客 , 密密出入炒單 , 天天向佢建議 N 隻股票 , N 個機會 , 不理客戶死活 , 行收到佣 , 經紀收到佣 , 話之個客爆倉 , 呢種故事無論大行細行都一樣 , 你現在見到好多什麼金融財俊 / 女 , 金盤洗手轉行創業 , 其實多數係過不到自己良心

下一個故仔 , 仲過癮......在我同期入去做既一個經紀 , 天天同盤房  [ 交收 ]  部盡量渾熟 , 買早餐 , 請午飯 , 培吃下午茶 ,  ..... 我地初頭以為佢無乜野 , 但佢越來越多新客 , 我地就碩果僅存一兩個 , 都是自己好辛苦搵既拍膊頭朋友客戶

佢既客通常唔會留得耐 , 幾野就 Out 金 ....但佢就時時有新客

打聽之下 , 原來佢同交收部混熟 , 唯一目的就是攞到盤房裡行內其他客戶 [ 贏錢 ] 與及舊客輸錢的 statement copy....

想炒野既新人 / 舊客 , 見到張贏既 statement , 一定好有興趣 ......果個經紀 , 原來就係成日攞果 D 人地贏既單據 , 去 sell 其他客 , 話係佢幫客贏既 , 所以初頭 , 好多客源源不絕 , 但當個無料經紀無力幫客贏 , 甚至輸既時候 , 個客咪即時 out 金囉 ......

從此以後 , 我就開始自己儲錢 , 努力工作 , 自己做自己既客 , 一邊取經驗 , 一邊研究炒的學問 , 邊個都唔會信 .....我大部份既炒賣學問 , 其實....就係咁樣靠實戰得來 , 我亦好慶幸自己 , 不需再在金融行業打滾 , 去呃客作業 , 所以我亦對傳媒既所謂名家好反感 ....如果你炒得既 , 為何仍為他人作嫁衣裳 , 點解唔學我咁 , 自己炒自己既錢呢 ?  

以上所講都係真實故事 , 係想鼓勵你地 , 越看來得來容易既野 , 越唔真實 ....靠自已的話 , 你起碼知道你衰在那裡

學海無涯 , 唯勤是岸 

Investment is a journey , it never ends , it has no destination !!! 



Yam