心太野 ~ 管好自己實太難

 

 

 

  

 

 

 

 

有人問 , 點解有 d 網站講江恩幾日就有一個轉勢 .....


附圖係一個天星派星曆既每月關注轉勢日子表 , 睇落去真係幾天就有一個關注 / 疑似轉勢


我地去睇呢件事好簡單 , 就如同技術分析一樣 ....你可以用條 33 天平均慢線 , 你亦可以用條 8 天快線去規範出有機會既 [ 轉勢 ] 點 , 就係因為咁 , 你得出既係一個唔同時間長短既入市信號 , 信號越多...亦表示越 noisy .....


睇番江恩既文獻 , 佢 trade 既 time frame 最細去到即市 ....每天有約十多二十個所謂轉勢 ....佢只表演 / 紀錄過一次 ( 我以前亦僥倖表演過幾次 ...在舊 blog 裡 )


但係呢 d 轉勢既關注度要非常專注 , 一不留神就會 high 野 ....


所以去到江恩後期....佢都冇做了 , 仲有既就係....我地既然知道凡事有好壞週期 , 而以壞既週期居多 .....所以經常入市 , 其實就等同自我折騰 .....


有時間 / 有精力 / 有本事既 ,  就不如等你行運 , 先入去 trade 啦 , 呢句說話唔係我講既 , 係一位外國 trade 左幾十年既江恩研究者講既 , 我而家都仲睇緊佢既書


如果你真係唔等得 , 咁就唔該做足風險管理 , 不過...日日手癢既人有幾多個有紀律又係另一個問題了


幾日話有一轉勢 , 即係佢預設一個月有十個 , 從歷史數據上你知絕對唔岩 , 事實上平均一個月裡有兩個轉勢係正常 , 咁你點樣選出邊兩個係呢 ?   十選二 ......即係錯既機會多過岩既機會......是嗎 ?  個大原則已經唔 make sense ...其他乜都唔駛講了 



最後 ...無論幾細既 turn ...都有 pattern 既.......係你睇唔睇到嗟 ...支 bar 出左.....咪做囉



Yam