Yam
2026年3月21日星期六
2026年3月20日星期五
我是一舊海綿 ~ 終身進修
今晚出街吃過飯後 , 遇上星期五 , 得閒就往書店裡跑 , 睇睇有無 d brain storm 到我的東西 , 只管是一些好 minor 既野 , 如果你攞到又吸收到既 , 就能終身受用 , 尤其係在金融 corner
基本上 , 在書店中書架上買得到既中西金融書籍 , 我應該都睇左 90% , 在圖書館既亦係 , 所以一般寫知識性既 , 抄東抄西既 , 好難吸引到我買
今天呢本係一個日本炒家既心法 , 本來無乜特別 , 話....贏錢出書既人好多 , 但當我番閱幾頁後 , 三秒鐘都決定買了, 只因幾句說話 , 其中一句係咁寫既 : " 千萬不能在回檔時買進 "
佢封面上話得自己將本金 300 萬變成 230 億 , 又講得出上便果句 ......令我開始匪夷所思了.......何解 ?
一個 contrarian 既人 , 在金融界注定係賺大錢既能手 , 我之前都寫過 , buy on rumors , sell on facts 係金融市場硬道理 , 反主流操作當然係賺大錢既結果 , 而技術分析都能反過來思考而又能賺大錢既人 , 我就真係要了解下佢諗乜了
或者 , 我睇完先講你知啦 , 不過多數都會收埋架啦 .....勁人智慧唔係常人諗得到既 , 仲係咁岩俾你遇到 .....
HK Bank 都炒兩萬人啦 , 今時今日 , 你無方法炒贏人地 , 將來問你點算 ?
P.S. 炒賣能力還能力 , 你睇下佢個 [ 天盤 ] 就明 !!!
Yam
Wave count update
HSI cash index daily
Dow daily chart
而道指方面 , 相信係 ABC 浪要伸延較深一部份 , 由原來之 ABC 3 浪態伸延出 ABCDE 又或 ABC x ABC
理由可能同 3 月是季結 , 淡友要盡量押在低位結算 , 加大利潤有關
Happy weekend
Yam
Notice ~ 有關 [ 空手入白刃 ] workshop 開班時間
由於參加者在時間上有不少分歧 , 而 4 月又有好多假期 , 乜野請 4 日放狗日 , 成日都唔想返工果隻 , 可能又有人要去女痕等等....
故現暫定分開 4 月一班 , 五月或六月一班 , 早班暫定 April 4 / 12 / 19 / 26 裡找出三天完成 , 而 4 月參加過既 , 可於五或六月再 seat in
如未能在 4 月參加 , 可插班入 5 或 6 月
時間及地點應可在下 24th March 星期二前決定 , 再用 email 通知各位
Yam Group Gann Research
Yam
2026年3月19日星期四
Market maker 喎.....高材生喎
HSIF 3 day 1 mins chart
其實佢知唔知我一路都跟住佢既哩
呢種技巧將會在呢緊近期既 workshop 裡分享 , 到線先做野 , 中間唔 trade , 即係話你多數都攞到一個即市底頂去坐 200 點 , 天天如是
hope u can [ Trade what u SEE ]
Yam
2026年3月18日星期三
存活的竅門
好多後生既以呢位人兄為英雄 , 每每見到市淡就攞佢出呢當神主牌咁拜
坦白講 , 佢之所以憑一次沽空贏大錢 , 跟本談不上功夫 , 只係倔強 , 加埋死牛一便頸 , 你睇佢個樣已經睇到啦 ,成隻牛咁
佢既 pool 曾經 draw down 30% , 坐足兩年先至番到身 , 除了話係 [ 死牛 ] 之外 , 還是死牛 , 即係話佢對時間週期一竅不通 , 單憑感覺去做空 , 如果唔係佢個 pool 捱得住 , 跟本已經輸死左
要坐兩年先攪惦一個 deal ....現在已經不合時宜了 , 而家一係玩無限轉數 M & M , 一係幾天 trade 定生死籌 , 再長既倉位 , 已經會被 AI 計到數 , 除時會俾人玩了
金融市場裡無偶像 , 只有能活著 , 就會令你繼續生存 ~ 做下一個 trade
此點非常真實 , 係我既座右銘 , 所以千萬別一注賭身家 , 錯了無仇報
Yam
完滿的人生
今早早醒左 , 基於現在開倉都以期權多 , 昨晚道指又如預測咁上左去 , 所以...就提早左一星期一次的按摩保健....北上
閒日 , 比較優閒 , 所以多數之短途旅程都選在無俚頭的日子, 節日嗎 ...米攪
現在過境交通都已經好方便 , 兩程車用左 $4 就到了前海 , 花了半天吃喝玩樂 , 黃昏先回來 , 感受上上便既節奏比香港慢,可能都係好事 ~ 對一個老人家來說 , 商場超市比香港大好多 , 選擇亦多 N 倍 , 我開始喜歡上呢種在香港無既選擇 , 想像一下未來的生活
在食店裡一個人點了餃子作午餐 , 店舖裡人唔多 , 突然想起細時母親的說話 ~ 做人最緊要既係養得起自己 , 唔好做壞事 , 更加唔好偷呃拐騙 , 咁就窮都窮得腰直
上一輩對仔女既 [ 冀望 / 理想 ] , 原來就係咁簡單.........唔知而家既人對仔女既冀望係乜 ? 做歌星 ? 做李+X ?...幫佢地呃 ?....一齊隱瞞事實 ?
我已經無乜要求 , 因為人生已去到 0.8451 ....餘下既日子 , 已經完成了父母的教誨 , 心中只有一種未做好既工作 ~ 完成埋本世的修行 , 其實都係好簡單架嗟....八個字 ...." 物來則應 , 過後不留 "
Yam Blog ...其實已經寫了一個完整 node 週期 , 18.6年 ....都應該........
要渡既人已經渡了 , 有好多都好有進步地在金融行業裡 , 踏上了 managerial level ....更甚既....Director 級都有 , 已經應左我條命 , 桃李滿天下
對於早幾天開班 , 仍有新人問能否參加 , 我諗無緣了 , 金融市場裡的玩法就是把握每一個機會 , 以前無把握 , 到現在先諗....慢左了
或者....另請高明罷 , 世上叻人好多 , 再碰下吧
你想過我呢種咁簡單既生活嗎 ? 好簡單 , 努力做好自己先 !
充實地學習 , 實踐 , 歷練 ...加油
Yam
2026年3月17日星期二
Best choice 惠康之選
https://yamgroup2013.blogspot.com/2021/01/blog-post_8.html
追隨敢於去成功的皇者, 應該就係我晚年的買股選擇
Yam
金融市場鐵律 ~ Buy on rumour , sell on facts
https://yamgroup2013.blogspot.com/2026/02/blog-post.html
如果你唔信呢個鐵律 , 係無辦法做一個成功的 trader .....
I mean it !!! from the bottom of my heart
Yam
2026年3月16日星期一
黔驢之技
Dow index daily chart
Dow 暫時跳 Gap 高開升緊 400 點 , 呢一跳好有意義 :
1) 上星期狂沽唔識收手既....始料不及 , 今晚星期一全部中伏 ......
2) 無做功課既唔知呢個可能只係修正 4 浪調整浪 ABC , 修正後會重拾升勢 , 最瘋狂亦係最後之上升 5 浪 , 將會把做淡者 wipe out !!!!!!
本人豬橫脷申已在跌得最甘果日 470 清了全部淡倉 , 執番身彩
捱得既你 , 未平倉既忍下啦 , 唔捱得既就.......切腹把啦
以上既睇法只係 [ 假設 ] , 唔好對號入座 !!! 不過咁岩 [ 恆指 ] 同 [ 道指 ] 都係完左 ABC 調整......同步緊 ......咁岩嗟 , 無乜野既
Yam
Patience is all you needed for trading
HSI daily chart
年頭大魔劍指 341 , 其實已差不多到了第一季季結 , 季結即係要將好多仍在 flow 既倉位了結又或轉落 6 月 , 所以對市場較有前瞻性
我成日話要留意做錯野既人既倉位 , 就係基於呢個推算 , 由上年 10 月 274 回落到 247 之 ABC 浪 , 我地之前已確認了 , 現今得一個 unknown 我地要確定的 , 就是由 247 開始走上的一二浪
如果二浪企穩 , 現在發展的就是向 341 進發的三浪 , 上圖表達了對三浪發展之展視 , 如突破一浪頭部 260 的話 , 三浪就正式開始了
三月仲有十多天 , 會否走上三月尾投射之 290 當然難啦 , 所以要一步一驚心 , 密切留意一浪頭部會否被突破 !!!
Yam
2026年3月15日星期日
2026年3月14日星期六
獨裁妖魔化開始出現
開始玩奸矛了.....唔俾你贖回攞番錢 !!! 金融行業最棹忌既事情已出現
千祁唔好沽咁重倉呀美期 , long short 沽長中左都無錢收呀 .......day trade 就好啦 , 即日清 , 入左袋先係真錢 !!!
佢可以玩違約 , CBOT , NYMEX 期交所破產 , 你吹得佢脹咩 , 無貨沽空 naked short 可能仲告你刻意沽空佢國家添 !!!!
沒收左俄國 6000 億美元眼都唔斬一下 , 攞左委內瑞拉咁多油都無俾錢 ....而家又搶緊伊朗 , 你覺得各國會點諗 ? 幾時輪到佢俾人搶囉 !!!
全世界都係佢敵人 .....等緊一觸即發既大報復 !!!
所以亞洲既國家 , 都將錢買番晒自己既股票 , 造成單邊大升市了
問題的根本就是 ~ 美國既 32 萬億債 , 點都無法還清 , 一係靠搶掠人地既 , 一係靠打仗 wipe off 重新呢過 , 死路一條
好多人仲係崇尚緊以前的 Great America .....sorry ....it's gone
Yam
2026年3月13日星期五
2026年3月12日星期四
Surprise ?
HSIF 1 mins chart 12 Mar 2026
昨晚在 Yam Group whatsapp group 我發左一個 [ 語不驚人死不休 ] 既預測 ( 上圖 )
" 即係可能今天已是頂 ...又或明天推高做淡 ........"
我冇神通架 , 呢種形容埋市場狀態動作走勢既 [ 即市 ] 預測 , 香港有幾多人 / KOL 做到 ?
呢種知識 / 睇法我有教學生 , 問題只係佢地未夠勇氣去 [ 信 ] , Trade what u see 其實就係你要對自己所見到既現象 , 滾瓜爛熟 , 靠閱讀過往同類既 [ 現象 ] , 找出端倪 , 沉澱 ....得出結果
在市場內 , 無人可以信 , 人人都有佢既睇法 , 過左先知誰勝誰負 , 所以 , 你要靠自己既閱歷 , 見地 , 功夫去執行你腦海內明白既訊息
just like Steve job said : Simple can be harder than complex , u have to work hard to get your thinking clean to make it simple , once u get there , u can move mountains
hope u get the message
Yam
Appreciate
https://yamgroup2013.blogspot.com/2026/03/satisfaction-guarantee.html
感謝 Yam Blog blog 友既支持 , 報名人數已接近上限 , 會盡快安排場地及通知時間地點 , 畢竟 ....2026 在投資市場是一個不平凡之年頭
呢個 Workshop 同 Samuel 既 Workshop 性質不同 , 亦係無衝突既 , 畢竟係不同性質既野 , 希望大家明白
今時今日 , 各行各業都用錢去買 information , 買經驗 , 買業績 , 買成功 , 你地選擇了同樣方法走對了 , 可喜可賀 , 換來的只會更快走入 [ 尖端 ] 高才既隊伍 , 享受超級成果
AI 可能會擊退好多行業 , 但係無法打敗終極既操盤人 , 因為.....人會 [ 貪婪 ] , AI 之共性 / 業唔會鬥得過人類獨裁的貪婪
學成 / 將來你會明白 , 你現在付出既 , 只是將來利潤的.....零頭而矣
你地既熱情令我決定送多一個 model 俾你地 , 80% 贏面 , 江恩既 [ 稀有 ] 時間表 ...記得提我
P.S. Nigku Nigku part 1 part 2 係兩個獨立既工具 , 可以獨立使用
See u later
God bless u all
Yam
Stick to 簡易法則 ~ Keep it simple ....笨
HSIF daily chart
https://yamgroup2013.blogspot.com/2026/03/blog-post_29.html
基於之前我地已 [ 暫時 ] 確立 ABC 回調浪已完結 , 所以 , 一切之前既 ratio 已不用記掛
現集中處理向 341 第一浪之回調
記著 : 過多之假設及考慮 , 最終都係無出路既 , 因為市場變數不斷出現 , 我地亦無可能了解晒所有參數 , 加以應用
反而言之 , 處理好最近一個最可能發展之模式 , 已能令我地輕鬆好多了
呢個就係點解 [ 波浪理論 ] 裡要確立前浪結構之重要理由
Yam
龍鳳錯配之 ~ 天仙配
0303 偉易達
.jpg)
江恩小虫千 KOL 今天 post 左幅贏錢圖出呢 , 搏你唔識 / 會 fact check , 信佢真係贏錢喎 !!!
圖中主角係 0303 偉易達 .....佢話平均成本買係 $34 ....而家升左 63.12% ....$55 沽左賺左 $76250
如果你就咁信佢 , 乜都唔睇 , 你就係豬一隻啦
我地睇番 0303 圖 , $34 個價只係在 2008 金融風暴底見過 , 之後 2017 年上左 $ 130 .....
疑點一 , 懂江恩既點解 $ 130 唔沽 , 今日會在 $55 沽左先話自己贏 $
疑點二 , 持貨 15 年先沽 , 即係你一點週期知識都不懂把握 , 反而近期在底部先沽出倉底蟹貨 , 理由何在 ?
疑點三 , 舊貨 hold 左 15 年先在低位沽出 , 我諗用 moving average 結果都會好過用你既所謂江恩 + 週期理論 !
疑點四 , 如果真係在今年底部買過野 , show 果張單出呢既效果總好過個舊倉蟹貨張單卦
唔知 / 懶得去 fact check 既人會以為佢真係贏 63.12% 好勁 , 可想而知 , 佢都真係江棍一條 , 嗡得就嗡 , 如果個案例係真的話 , 案例就將佢既專家 [ 真相 ] 表露無遺了 !!!
奉勸各位勿以耳當眼 , 好多野 , 睇深一層 , 便知龍與鳳了 , 我幾百個江恩學生 , 都好清楚佢乜料了
股市缸湖險惡 , 大家睇車啦 , 仲未提佢在 168 exit plan 被大戶震左出場既笑話呀 ........
有真材實料既又何需 [ 造圖 ] 作假去呃人呢 ......我真唔明呢一代諗乜 !!!
互聯網裡 , 大話穿過一次就一世架啦 , 又出書又寫雜誌專欄 , 你只令我諗起兩個人 ~ 王晶同張致恆
若然不報只是時辰未到 , 如今........時辰到了 , 唔係話帶串佛珠 , 諗幾句佛號就能過到骨 , 擋到災咩..........如今我地明白 [ 泥菩薩過江 ] 點解了
你既 [ 初心 ] 係錯的話 , 無常鬼總會上到你身 , 令你惹禍
禍福無門 , 唯人自招
Yam
訂閱：
留言 (Atom)