GC Comex monthly chart
Trade what u see
Yam
2026年2月22日星期日
2026年2月19日星期四
你真的能決定揸沽 ?
https://m.youtube.com/shorts/E9lyxjZGVZE
或許這只是一種幕後意識實現安排 ~ Higher supreme natural law
你自己認為是一個 [ 獨立 ] 的我既執著 , 並不存在 , 一切都是 .....佛說中的 [ 幻覺 ]
你只是角色演繹 / 執行者 ......但其實結果早已 [ 事前 ] 確定
能分辨出呢個 [ 你 ] 同真正背後的你 , 便是佛學思想裡重要的課題 ( 大圓鏡智 )
夢裡明明有六趣 , 覺後空空無大千
你的一生 ~ 就如同我們仰望天空一樣 , 未來的星星 , 一定會到達可計算出的軌跡內發生變化 , 而你....只是 [ 應身 ] , 無任何選擇
接受宇宙的安排 ~ 就是最 [ 安住 ] 的狀態 , 快樂同痛苦亦必同時存在 , 不用太介意
Yam
We are safe finally !
https://m.youtube.com/watch?v=dZhPCNbtXgY
https://m.youtube.com/watch?v=0luf7_aAmtw
我想.....暗地裡應該已有一隊什麼都不怕的機械兵團 , 在守護著我們了
阿門
宇樹的 IPO 只係我地作出國防開支的首個部份.....值得既
只要我地將機械兵團輸出唔夠人去打仗既俄國及北韓 , 美國就無定企了 , 呢個或許已成為白宮的最大隱憂
Yam
2026年2月18日星期三
恭賀新禧 !!!
呢兩日少左好多 3 字頭電話到既 ?
唔通...... [ 騙徒 ] 都放緊春節假期 , 咁我而家就明點解我地用電話要實名登記 , 佢地用電話呃人都查唔到既理由了
電信局阿頭係咪要炒呢 ? 咁
如果要證明 AI 是否能戰勝人類 , 搵次春晚叫成龍或者 Tony 渣同機械人打翻幾個回合 , 便可分曉
說實話 , 佢地既進步真的令我驚訝 !!! 機械人呀
今天初二開年 , 在此一次過恭祝學生們同 blog 友來年福慧相全 , 萬事如意 , 身體健康 !!!
做 trade 頭頭是道 , 做人既醒醒目目 , 過活既開開心心
家庭和和睦睦 , 升職既招招積積 , 下崗既滿懷希望 , 總之就你想點就點啦
重要既係一注獨中初五 2 億六合彩白銀
Yam **
2026年2月17日星期二
人有霋時禍福 , 天有陰晴月缺
17 Feb 2026 日環食
今天發生之日環食 , 何解重要 ?
我地睇上圖 , 每當日食發生之時 , 當然係以日月既關係為首帶動 , 每當有其他大星同時地參與 , 而形成重要之角度, 該組星群組合力量就會被放大 , 形成相當不平常之力場了
圖中我地見到 8 粒星體共在兩宮 60 度之內 , 已經相當稀有 ( 天上既連珠其實唔會在一宮內發生 , 45 度內已算合格) , 而其他參與此次之 [ 大星 ] 共有 3 顆 , 分別係木星/冥王/天王
天王是一粒攪攪震之破壞王已被占星界所肯定 , 而今次佢同時與太陽 / 月 / 冥形成 120 / 90 ( Gann emblem ) , 極不尋常 ! 意味著相當強烈之好壞 [交替] , 是否大國興哀交替又或市場底頂交替 , 我.....唔知了
如眼光只集中在金融市場裡 , 亞洲全部股市都呈現了自歷史以來最癲癇之上升 ( 香港除外 ) , 包括美股 , 更破了歷史裡最長升市之記錄 , 而金銀市場 , 最大之升浪我年前亦已經指出了 , 究竟呢個是否巨大之 [ 底頂互換 ] , 尚且要觀察及留意 , 而香港 , 會否以史詩式地 , 排除下跌而單獨取締了其他亞洲市場因下跌回流之資金 , 係我既考慮之一
食甚時間之長短 , 是影響之後多久之依據 , 最長可以係 180 天甚至幾年 ....
至於人身 , 我地既存活靠太陽釋出離子力量 , 基於大星力場係以等離子互相牽扯為主 , 當等離子場被 [ 食甚 ] 隔離 , 人身體就會被 unplug 一樣 , 因為我地身體其實係一個小宇宙 , 靠的就是 [ 離子電荷 ] , unplug 左 , 就等於斷電一樣 , 近日我既心跳出現異常 , 跌到近 60 邊 , 呼吸困難 , 嚴格上隨時......走得
翻閱了大量文獻報告後 , 大量補充電解水 , 已開始回復正常 , 可想而知天上星群對人類影響 , 係肯定的 , 咁係唔係個個都會 ? 不....只有你天盤同是次日食有關係角度先會
咁即係肯定了人既壽命長短真係由星星可計量出 , 準確性不離 90-180 天
科學越進步 , 我地越知道理由 , 但講到倖免....應該難矣 !!!
Yam
Sky dog eat Sun ~ Lord of the Ring
迥避迥避
Especially for those who are having heart disorder / disease
Yam
2026年2月16日星期一
有 [ 求 ] 皆苦
寺院係出家人 [ 四大皆空 ] 既地方 , 你走去求 [ 有 ] , 仲要靈 ....好似矛盾左 d 喎
肥妹 , 凡是你 [ 想 ] 要的.....也都會反過來終生煩擾 / 控制 / 折磨 / 牽制著你
放下 , 就是 [ 自在 ] 的開始 , 觀自在菩薩呀
年廿九啦 , 洗淨下自己心靈啦
永遠保持一顆 [ 物來則應 , 過後不留 ] 的心 , 你會開心好多.....畢竟 , 你我他都只係過客 , 來睇野多架喳
[ 零 ] 是什麼 ?
Yam
龍鳳錯配之 ~ 天仙配
0303 偉易達
.jpg)
江恩小虫千 KOL 今天 post 左幅贏錢圖出呢 , 搏你唔識 / 會 fact check , 信佢真係贏錢喎 !!!
圖中主角係 0303 偉易達 .....佢話平均成本買係 $34 ....而家升左 63.12% ....$55 沽左賺左 $76250
如果你就咁信佢 , 乜都唔睇 , 你就係豬一隻啦
我地睇番 0303 圖 , $34 個價只係在 2008 金融風暴底見過 , 之後 2017 年上左 $ 130 .....
疑點一 , 懂江恩既點解 $ 130 唔沽 , 今日會在 $55 沽左先話自己贏 $
疑點二 , 持貨 15 年先沽 , 即係你一點週期知識都不懂把握 , 反而近期在底部先沽出倉底蟹貨 , 理由何在 ?
疑點三 , 舊貨 hold 左 15 年先在低位沽出 , 我諗用 moving average 結果都會好過用你既所謂江恩 + 週期理論 !
疑點四 , 如果真係在今年底部買過野 , show 果張單出呢既效果總好過個舊倉蟹貨張單卦
唔知 / 懶得去 fact check 既人會以為佢真係贏 63.12% 好勁 , 可想而知 , 佢都真係江棍一條 , 嗡得就嗡 , 如果個案例係真的話 , 案例就將佢既專家 [ 真相 ] 表露無遺了 !!!
奉勸各位勿以耳當眼 , 好多野 , 睇深一層 , 便知龍與鳳了 , 我幾百個江恩學生 , 都好清楚佢乜料了
股市缸湖險惡 , 大家睇車啦 , 仲未提佢在 168 exit plan 被大戶震左出場既笑話呀 ........
有真材實料既又何需 [ 造圖 ] 作假去呃人呢 ......我真唔明呢一代諗乜 !!!
互聯網裡 , 大話穿過一次就一世架啦 , 又出書又寫雜誌專欄 , 你只令我諗起兩個人 ~ 王晶同張致恆
若然不報只是時辰未到 , 如今........時辰到了 , 唔係話帶串佛珠 , 諗幾句佛號就能過到骨 , 擋到災咩..........如今我地明白 [ 泥菩薩過江 ] 點解了
你既 [ 初心 ] 係錯的話 , 無常鬼總會上到你身 , 令你惹禍
禍福無門 , 唯人自招
Yam
[偽江恩千棍 ] 談未來世界經濟
將來整個世界經濟會點 ? ....一百年前已經寫晒出來 , 並不需要任何人去解讀
早幾年 , 有條江恩棍 , 睇到 Gann 呢個 table , 心想若果係真既 , 點解唔利用個 table 作為出書成名既好機會 , 所以以個 table 既內容 , 加多減少吹噓佢係江恩名家出左本書 , 又話自己預測到乜野 2017 是牛市 , 2018 是熊市 , 乜野預測到 QE ......股災等時機
我地睇番上便個 table ...江恩一百年前已經描述了 2017 是 high stock price ( 大升市 ) ....而 2018 是 panic ( 股災 ) , 而 2021 是 waste over extravagance ( 通貨膨 / 滯脹 ) , most money in circulation ( 即是 QE ) , much speculation ( Bitcoin ) , 又講 2023-2024 係大穫野 ....biz stagnated , despair / unemployment
其實該條 [ 江恩棍 ] 就係攞個表作內容 , 出本書利用個表去 [ 狐假虎威 ] , 扮先知 , 扮名家
該名江恩棍 [ 出書 ] 話係佢自己預測到既 , 真係天下間最大的笑話 , 懂 Gann 既 , 大家都知乜野叫尊重 , 我地係 credit 番前輩 , 所以先將個表作為大家既 reference , 出書都唔輪到佢出 , 要出書可以 , 唔該你講到明係江恩既預測 , 唔好話係你自己獨特 / 偉大既發現
江恩個表在互聯網已經存在左 N 年 , 你只要打上 [ 江恩 financial time table ] 幾十個版本都搵到 , 再打埋 Samuel Benner cycle ...就將來乜野經濟狀況都可以預測埋 , 駛 Q 聽你嗡咩 ....棍
學緊江恩既 , 麻煩講俾出便既人知 , 呢個就係 [ 江恩棍贏在轉勢日 ] 既經典老千故事 ...以正視聽 , 唔好俾佢呃啦 !!!
我已經無教 Gann 了 , 所以唔存在利益關係 , 完全係出心維護番江恩既聲名 , 證明佢一路都係抄緊江恩既預測 , 不斷作故仔跑龍套呃你而矣
江恩棍之 2017 年度預測
坦白講 , 我企左响香港江恩派十多年 , 絕對唔會無證據就去話人既預測係.....流既
有圖有證據 , 上便幅圖 , 你地可以隨便在網上搵到 .......係 [ 江恩棍語言藝術者 ] 書中在 2016 時對 2017 年恆指既預測 ( 佢成日講到係佢好準既預測 )
圖裡有兩個模式 , 網羅左向上 [ 或 ] 向下既 parity .....轉勢月佢偉大地列舉左 3 月 , 6月 / 7 月, 8月....9月 , 10 月 ....11 月....12 月係 [ 轉勢月 ]
其實即係只有一月 , 二月 , 四月 , 五月無轉勢 ........呢一堆廢話幾乎係等同無預測性既 [ 藝術語言廢話 ] , 一年 12 個月裡佢預測左 8 個月會轉勢 , 機率上即係無預測過 !!!
最後 , 佢話 2017 年最後見頂係 11 / 12 月 , 而事實市況剛巧相反 , 趨勢在 12 月作出是年最大既升幅 , 去到明年一月尾見大頂 33484 先回落 , 坦白講 , 佢岩既只有一樣 , 2017 係升市 ( 係人都預測到既 50% 機會 )
不斷去吹噓 / 無限 loop 自己預測中 2017 ....以為一千個大話就變成事實 , 往往就係呢一代年青人既 [ 死症 ] , 你可以用任何名 , 任何派別去形容你既 [ 語言大話藝術預測方法 ] , 但唔該唔好扮同江恩理論拉上任何關係 , 你配唔起佢個名 !!!
Yam
2026年2月15日星期日
2026年2月14日星期六
2026年2月13日星期五
上 347 之路幻滅 ?
HSIF weekly chart
HSIF 1 mins chart
https://yamgroup2013.blogspot.com/2025/12/gull-up.html
本星期最後支持 26550 .......
Yam
2026年2月12日星期四
2026年2月10日星期二
2026年2月9日星期一
要錢要命 ? 我們只是跟隨者
跟美國法例 .....正常刑期
一係 , 將你屋企既身家攞晒出呢賠俾社運時無生意做同失業既人群吧
你忘記左果幾年好多人因你老豆而 [ 傾家盪產 ] 嗟 , 你而家就想自己屋企齊齊整整 , 社運時我地就心驚膽跳 ....公平 ?
顛覆整個社會經濟既代價 ~ 應該係終身監禁
黎生當時話為了革命唔怕死架 .....而家想反口 ?
定係信錯左外國話會救你呀......笨七
幾十歲人腦旬都未生埋 !!! 定係大英雄主義作怪
如果你真係無收錢做咁大壇野就更偉大啦 .....笨笨七七
Yam
2026年2月7日星期六
2026年2月6日星期五
2026年2月5日星期四
2026年2月4日星期三
Interesting .....Hum .....丙午年
金 / 銀....就溶左啦 , 離場先
加點油加點火 ......岩我條爛命.....睇上 $90 ....perfect fifth
Make yr own choice
No blame no gain ...命中怕火既唔好炒啦 , 燒瓜你呀
https://yamgroup2013.blogspot.com/2026/01/global-market-evaluation.html
Yam
What difference does it made ? HSI cash index vs HSI Tech index
呢個係一個我一直都耐唔耐先提下既香港大市 divergence factor
[ 恆生科技指數 ] 裡有好多重磅既 [ 恆指成份股 ] , 但就一直存在 [ 背馳 ] 升唔起 !
我多年來 pair trade 經驗話我知 ~ 只是托住散貨
直至大市散左先有人提出 , 佢是否推手 , 你諗你啦
Yam
2026年2月3日星期二
No surprise
今時今日 , 連神父都可以戀童 , 和尚都可以有仔女
本是人性嗎
金錢 , 女人 , 權力 .....擁有左之後 , 加多一點 [ 色 ] 彩又何妨 !!!
何況 , 在美國既全部都係狗男狗女呢架啦
不如你地諗下點解會有 [ 證據 ] ....即係 CIA 早就準備隨著有需要時 , 要你服葯啦 ....條件交換呀......笨
唔好貪做有錢有權有勢既人呀 , 富敵不過官呀 ....何況 CIA
你行得正企得正 , 佢奈你唔何架
Yam
Deep Seek
HSIF daily chart
養成好習慣
昨天平好倉之決定 , 係基於兩個重要考慮 ~
1) 上升 5 浪態之修正浪一個比一個深 , 甚至跌破前底 , 造成 swing Higher high lower low
2) 上升浪態呈現喇叭式擴展 , 呢種上升浪態開始俾我一種不安感 , 意味著每一次上升後 , 總有一波 [ 更大 ] 回調 , 呢種感覺在牛市裡係極少出現 ( 除非該浪係最後一浪 )
3) 成交量大增 , 係人都知頂部成交量大增 , 係出貨多過買貨啦
我可能錯 , 但相對錯得更深 , 我選擇出場 , 希望係明智之舉 , 你地最好自行作出判斷 , 寫下睇法及理由 , 累積更多之經驗 , 咁 , 條路就越行越清晰 , 越行越易行了 , 到將來你番開自己的筆記 , 就知自己進步了多少
Yam
訂閱：
留言 (Atom)