世界變了 ~ 一講曹操 , 曹操就到

前兩個 post 講惠州樓市 , 跟住有消息靈通人仕就出條惠州巴士線落香港旺角 ! 有乜啟示性 ?

個世界同以前比 , 已經唔同晒 , 只要地點便利 , 就有人去住 , 祖國現代化第一件事就是攪高速公路 , 跟住高鐵上馬 ....四通八達 , 拉近左各地既距離 , 跟住攪埋 Wechat 淘寶全國物流通.....利害 !!!

古時睇風水睇來龍 , 其實除了山脈 , 就是 [ 水路 ] , 世界上興盛既大都市 / 地方 , 都有碼頭 , 貨物來往自如 , 所以該區亦聚到人口 , 聚到人口即係人財兩旺 , 發跡之地也

現代...就算是天涯海角 , 只要有交通便利 , 不愁無人住 , 所以大灣區概念 , 應該越來越興盛 , 加上互聯網興起後 , 所有消息已經唔需要你親身到場先知道 , 千里之外 , 𣊬間知曉 ....呢樣野好重要 , 因為代表左好多野已經可以網上攪惦 ~ 呢種方便隨著 covid 19 之後 , 該感受性已經普及化 , 唔需要再解釋了 

即係話好多人已經不需要住在價格高昂既 NY ..London ...Tokyo ...而可以因應自己既工作性質選擇其他區域 , 減輕了 [ 住的成本 ] , 亦減低了住屋帶來的沈重壓力 

住得偏僻亦等同你有更多時間去同自己 / 家人相處 , 了解返真正的自己 , 係無壓力下的真正自己 !!! 你可能成個人都唔同左 , 此點我可以理解 , 因我已獨處左 40 年 , 獨處帶俾我既智慧同思路 , 相當清晰 , 係得大自在既前因 

香港現在有樓既 , 相信飽受緊回吐壓力 , 但考察過香港歷史既 , 應該明白只係 [ 目前性 ] , 我相當相信明天會更好 , 更甚有能力既 , 可以供多間廿萬既惠州樓 , 只係一千幾百一個月 , 待幾年後港樓好番 , 你亦已到了退休年齡 , 沽出港樓回惠州住 , 呢個就係一個可進可退之策 , 可以考慮下 ....

後生無樓既一族 , 亦應該趁現在惠州樓價平 , 上車供一間 , 幾皮野首期甚至 0 首期 , 供一千幾百一個月 , 要去應付絕對唔係太難 

人點都要有自己安身之所 , 尤其年紀越大 , 無野靠得住架 , 靠你自己趁早計劃 !!! 

 Good luck 

希望到時在惠州秋明山路揸架爛鬼開蓬 Jaguar E  落漁村買餸 / 海鮮撞到你啦 

舒適 / 開心既生活 , 又唔係一定要好貴既 ....你仲可以揀添 !!!

https://m.youtube.com/watch?v=ecTSlaNM0Z0&pp=ygUM5bmz5Yeh55qE6Lev

Yam