近日放左四五天假 , 離開左個電腦 mon , 眼睛舒服了不少 , 我都唔記得我幾耐之前放過假了
事源有友人大陸新居收樓 , 上去湊熱鬧睇下 , 個盤係馬斯克母親都上左車既豪宅區 , 接近另一個中央就開發既金融區 , 氣場相當唔錯 , high / low rise 配合了豪華既會所 , 泳池 , 園林景色 , 連我都心思思想去該區養老
在大陸住既成本好低 , 但我地做呢行既 , 最怕就係消息不靈 , 網絡不通達 , 無法作出即時反應 , 當然若果你好似畢老咁 , 買完就等坐贏的話 , 係無問題既
睇完樓 , 當然係吃喝玩樂啦 , 應有盡有 , 你想要既都能滿足 , 可以說是半個天堂
反正上開去 , 就走去做左個體檢 , 主力驗腦功能 , 因為年紀大 , 最緊要個腦不退化 , 就可以用多廿年了 , 對上便三甲醫院既感覺係良好既 , 排程清晰 , 有問題時只要問問姑娘 , 都能得到足夠協助 , 三四樣在香港要排你一至二年既檢驗 ( 入私家別論 ) , 兩個鐘頭就攪惦 , 個報告仲即時出埋唔使等 , e 左去主診醫生手中 ...可以即場判斷埋結果 , 即時開埋要用的葯 , 過程中只要利用周遭既電腦視屏答問機 , 掃下自己個 code 就知診斷流程去到邊 , 下一步去邊受檢測 ........相當方便
我見到當地既人生活得相當舒適 , 返到呢香港 , 見到個個都拿口拿面 , 對比之下 , 香港人真係 .....糟糕
生命只係幾十年既事 , 睇得開真係好重要 , 千萬別苦了自己 , 又苦了身邊的人
Yam
沒有留言:
發佈留言