今晚與後輩近親吃飯 , 無乜話題 , 就聊下近期城市熱話 , 因為佢已經係一間背後擁有好多地皮既地產項目發展商 Director 級既主事人 , 日常既工作就係同政府官員 [ 傾計 ] 開會 , 討論下怎樣配合政府去發展項目
據佢了解 , 呢次政府應該唔會 [ 撤辣 ] .....
其實 , 佢地既集團同其他子公司 , 已經普遍將發展項目 [ 延長化 ] , 即係拖慢發展一年至三年不等 , 所以預期政府並不傾向撤辣 , 無論有幾多地產商既爛頭卒出呢 [ 要脅威嚇 ] 政府 , 大前題既方向係唔會改變
何謂 [ 大前題 ] 方向 ?
我之前都講過 , 炒賣地產 , 係回歸前既產品 , 因為當時市況大上大落 , 有人搵到過 , 亦有人仆街過 , 要停止呢個洪流 , 說實話係一件好難既事 , 對任何人亦未必係好事 , 回歸後 , 穩定既經濟同民生係政府既主流意向 , 亦是中央想落實既主流方針
既然經濟澎湃時停不了 , 現在經濟冷卻 , 就係一個好時機去打壓一下地產霸權了
香港政府靠地產既收入作為經常性開支 , 當然重要 , 但若果要打出一條新的路向 , 就要堅決地唔可以再俾呢種 [ 霸權 ] 方式存在 , 坦白講 , 香港其實並無好似中國其他省份咁需要內繳中央納稅 , 加上其他省份已經開始自立起來 , 香港既收入 , 恐怕只是供給自己駛吧
有或無 , 能夠自己攪惦的話 , 中央係唔會要求或過問 , 如果能夠矯枉過正 , 令香港自己可以從新的方向發展上路 , 長遠來說 , 是一件好事 , 而將市民既錢 , 留在市民口袋裡 , 總好過月月供晒俾地產 / 銀行佬啦 , 迫你地以單一方法資產增值 , 只係一個慌話
如果你睇得我個 blog 夠耐 , 我不留都係咁諗 , 炒風過盛既樓市 , 是導致社會各個階層失衡及社會不和既主因 , 此點 , 在 2019 社會運動已百份百表達無遺 , 證明了市民既福祉先係大勢所在
當然 , 如果可以平衡各方既利益 , 就係最好既策略了 , 但世上並無最好策略 , 總要有人犧牲 , 問題係 ......誰
我聽到既可能係錯 , 但 , 將項目 [ 推遲 ] 已經係發生緊既事實 , 證明了市場行先過政策
無間道 : [ 人改變不了事情 , 是事情改變了人 ]
Yam
沒有留言:
發佈留言