D 人說夢話

好唔容易 , 本書自從新年前睇到一半之後 , 我放低左 .....到呢兩星期 , 先 pick up 翻 , 將近去到尾聲

中途 , 我發覺 C9 有 d 野係同其他幾位外國江恩大師有甚大分歧 , 江恩野 , 其實可以買到既 , 我都幾乎睇晒 , 總結來說得兩種大師

1) 化繁為簡  ( 偏重以方法入手 back test 為主 , 成敗結果論 ) 

2) 化簡為繁  ( 偏重以理論為主 , 從細節中肯定方法 , 之後去實踐 )

C9 係後者 , 佢先從微觀入手 , 了解了理論架構 , 逐步去推演 , 之後求實證 , 做統計 , 再以統計結果 , 定義出 [ 方法成效 ] 作為入市指標依歸

呢種方法 , 其實無乜問題 , 不過如果事情要經過咁多步驟的話 , 得出既入市機會一定係少既 , 對香港式喪 / 傻炒既 trader , 應該唔適合了 

再者 , 步驟太多  其中一個出錯 , 都會令整體結論存疑 , 如果你又從新搵過錯誤原因 , 恐怕要花上唔少時間 , 先能解釋問題 , 近期 , 我越睇越發覺有 d 野 , C9 係錯既 .....其實可能唔應該話錯 ! 只係大家見解不同而已

錯就錯在江恩並無原原本本地將方法公開地透露出來 , 而 C9 只係眾多 follower 經過佢自己演繹後其中既一個 interpreter 也罷 , 我故且就以這樣既心情去完成埋本書罷 , 反正已買左 , 睇埋佢有幾錯又如何 

每個 trader  , trade 超過十年以上 , 都已經培養出有個出入市基石 , 唔容易受任何新方法動搖 , 而可以動搖到佢既 ......就一定係一個好震撼既方法 ....二者選其一 , 唔好拖泥帶水 , 受 d 又唔受 d , 死得最慘既 , 恐怕就係咁 

明白了此點的話 , 你睇師奶本書 , 就會輕鬆一點.........世上無一個人絕對岩 , 只要有七成贏面 , 就應該收貨了


以上只係我既謬論 , 我同半年來既港人都一樣 ...低低地 , 可以不理




Yam