學運經驗 ~ 戇居居

你唔好以為我淨係懂炒野 , 學運我 40 年前都有參加過 , 叫金禧事件

當時係中學校長例會排隊時問我地支唔支持教師 , 其實 ....我地都唔知攪乜鬼 , 問下周圍同學仔 , 佢地都懞盛盛 , 在參唔參加之際 , 校長加句話如果參加既就唔使翻學 , 直接到維園得啦 .....( 我唔記得係咪維園了 ) , 唔駛翻學 , 又有得去玩 , 果然大部份同學都舉手 , 我咪好似傻強咁話去囉

去到維園 , 秩序大置平靜 , 多間學校都有唔少參加者到場 , 成個過程 , 好似維持左一個下午 , 跟住就解散 , 各自各去街玩了 , 返到屋企阿媽問做過乜 , 我都唔記得答佢乜了 

差不多十多年前 , 先在網上睇翻件事係為乜 , 同埋認得攪屎棍華叔及食屎陳師奶 , 因為當時冇人解釋過 , 只係吹雞要人 , 我地又懶得主動去了解 , 所以事後我亦好快忘記了 

可見得 , 其實當時我都係一舊云咁 , 參加該行動並唔知為乜 , 背後只係唔洗上堂 , 仲有得搭車過海 , 睇下其他女校女生 , 就去了 ......

我當時既行為其實都可以叫 ~ 人云亦云 , 邁無目的, 總之人去我咪去囉 ....

希望現今既年青人唔好學我咁 , 連目的都唔知就俾人叫左去啦 , 到頭來可能蝕底既係自己 !!!


坦白講 , 而家去返睇件事 , 覺得俾校長利用左了




 Yam