今天我好早已做完晒要做既野 ( 昨晚用十五分鐘思考左便照做 ) , 跟住出街買電腦配件
吃中午飯時 , 基於香港食市已習慣用大電視陪食 , 用餐時少不免聽到昨晚美股大調整既新聞 , 公仔箱裡訪問一些年青既所謂分析員 ( 多數是不知名既九流垃圾行董屎 ( 董屎其實不難做 , 考幾個簡單既試 , 有客籌夠一百幾十萬 margin 就做得 , 一間行有好多個倒屎員 , 呢個係一間中資行既 [ 倒屎 ] 話我知既 , 仲問我倒唔倒添 ) , 有食客隨即吵媽拆蟹 , 對住個股評少年名家大 X
" 股災都未經歷過 , 學乜人講到繪影繪聲 , 講到好似對股災好熟咁 , 呀叔炒股票股災時 , 你仲穿緊開浪褲 "
阿叔可能真係燥狂左一點 , 但在此時此刻 , 佢都仲幾清醒 .....
跟住我諗下 , 其實 , 未經歷過又點解作得咁 [ 高 ] 呢 .....無他 , 為了增取聽眾 , 搏取 [ 同理心 ] , 而家既下一代 , 作野度相當高 , 模仿度更高 , 只係係咁耳在互聯網睇睇 , 就講到好似身歷其境咁 , 變左專家 , 就連佢自己 , 都好似催眠埋自己咁 ...不過 , 年齡已經出賣左佢
更多既 Blogger 就好似顛左咁 , 不斷出來認叻 , 話自己一早估中 , 預測左好耐咁話喎 .......淨係睇你呢種幼稚行為 , 就知你有幾叻啦 .........
去到腦場 , 見到電腦行業個個 sales 都係古古惑惑 , 就更加 lenovo 到果班少年 [ 倒屎 ] , 信唔過唔緊要 , 扮懞 chok 下佢 , 問佢一些你知而扮唔知既野 , 等佢發表偉論時 , 就可以知佢既 [ 吹水度數 ] 有幾高了 , 呢招萬試萬靈 ....因為 , 十個少年 , 九個要威 ....
搵醫生做手術 , 搵律師打官師 , 你會搵個新仔嗎 ? 錯既會死人入獄 ....搏唔搏 ? 炒賣就 ........
呢 d 時刻 , 會有好多身邊既人 , 亂咁俾意見你架啦 , 最好都係乜都唔好聽啦
此時此刻 , 需要既係 Stay Calm & Learn from market
Yam
沒有留言:
發佈留言