早上起來收到 Whatsapp 壞消息 ( 無乜野唔好成日睇 ) , 另一老友又突然入醫院 , 初步評估要即時進行通波仔心臟手術 , 佢兩夫妻數來生活簡樸 , 住家公去世後傳落來既公屋 , 打既只是私人小公司工 , 本來生活都掹掹緊過得去
屋漏偏逢連夜雨 , 其中一人最近失業 , 慘被無良顧主扣糧 , 遇上突發事情 , 要動用十萬八萬 , 當然失去方寸 ( 這個絕對不是保險廣告故事 )
與他太太傾談後 , 想主動援助部份支出過數俾佢應急 , 佢話唔使了, 因為醫務社工剛替佢地申請了緊急援助 , 手術可即時進行 ....
我以前亦有義工經驗 , 香港政府 , 其實每年對香港社會定出既公共援助 , 唔少得過 200 億 , 雖然係杯水車薪 . 但對比好多已開發國家 , 已經好好 , 試想下如果上述 case 發生在內地 , 又或西方國家 , 你要搵人理你 ? 想都唔好想 !!!
日日在閙政府乜 , 政府物 .....其實係無謂之作 , 如果你咁唔滿意的話 , 可以離開 , 去別處生活罷 , 我地唔阻你 , 更加唔好對下一代做成更壞的影響 ~ 世界從來是不完美 , 學習接受不完美 , 就是生命最完美的部份
在此呼籲各位 , 如果本身有能力的話 , 就唔好濫用社會資源 , 多騰出空位 , 留番一點資源俾其他有需要之人用 , 便可令更多人受惠 , 福有悠歸
阿彌陀佛
https://www.youtube.com/watch?v=8xysVNigCsU
Happy Weekend
Yam -_-
沒有留言:
發佈留言