勸世文一則

最近登左兩篇有關 [ 命 ]  既 post , 就有朋友 email 我問有關命盤問題 , 坦白講....如果你是 40 歲以上 , 同你研究下無妨 , 但如果你係 40 歲樓下 , 就..........


此話何解 !


孔子 50 而知天命 , 50 歲前撞過唔少板 , 周遊列國去遊說 , 頭頭碰著黑 .....沒有人聽佢支笛 , 直至 50 後先明白有 [ 命 ]  呢樣野 ....試想若果佢唔係經過咁多磨練而成材 , 今天我地又點會知有孔子呢個人 , 同佢既故事呢 ? 


以我自己既經驗去講.....30 歲前我到處睇命 , 甚至以研究呢科為目的 ....到處睇完後 , 發覺無一個人可以全面解釋晒我既命限 , 更甚者 , 有 D 仲係相反解釋 , 矛盾甚多 


經過咁多矛盾而枉過了 10 年 , 我先 recall 番大部份相士所講既歸立點....就是大限 10 年辛苦命 .....所謂辛苦命....其實都只不過是多一點苦澀味 , 多一點辛酸而矣 , 當然 , 功名利祿不由你 , 做事多做多磨 , 每每事倍功半 , 天意弄人 , 當事人苦不堪言 


但回想起來 , 那個時刻既  [ 多左舊魚 ]  既經驗 , 現在去番睇 , 其實帶俾我無限既支持同裨益 , 試問人有幾多次人身 , 可以令你有機會去多點歷練呢 ?  佛教所說之 [ 行六度萬行 ] ....我過了那個時刻 , 先仿然大悟  , 是一種提昇個人意志 / 修行之功夫而矣


小忍忍於事 , 大忍忍於命 .....君子不問禍福 , 其實背後....都有很深之哲理 


希望年少的一群 , 撞多一點經驗 , 始去論命 ....因為 , 我好明白 , 年少時多任性妄為 , 就算我叫你做乜又或唔好做乜 , 你都唔會聽人講既 .....到你多年後真的明白 , 何謂  [ 命定 ]  時 .....可能...你已經無興趣去睇命了 .....可以改既又點會有 [ 命 ]  , 不可改既命 , 睇呢托咩 , 倒不如多種福田 , 廣結善緣 , 更有意義


此時此刻 ....如我者 , 只會著力攪抽離 , 攪逃逸而矣 !  一切已過 , 回想當時你要既名同利 ....亦已過 ......


係你既 , 你一定會有 , 非你的 ....別多貪 , 悟空 ....又點飛得出如來神掌呀 !   天外有天 .....非有非非想天呀


執著於剎那既光輝 , 去搵菜瘋華把啦


一世 , 其實好快就過架啦  , 善哉善哉 




Yam   : )