呢幾天得閒閉關 , 經過馬拉松式放肆地深層睡眠 , 突然記起了一件事 .....佈局
古人論風水吉凶 , 有紫白訣 , 玄機... 飛星賦 , [ 大陰陽 ] 其實不由你改 , 因為山村地域周圍環境唔到你改 , 除非你自己買地 , 起間屋定個向 ....但就算咁樣都受周圍山水影響 , 有當運及不當運論 ....
當運之地不由你買 , 你亦唔易買到 ( 福報悠關 ) , 一句講晒 , 是前緣 / 福蔭 .....你有乜 Q 正能量都冇用
外境改唔到 , 唯有改變自己屋內佈局 , 大者以當運之飛星大運佈局 , 小者以 [ 當年 ] 之飛星各佔何方而選旺 / 催避
今年飛星有個幾特別之結構 , 就是 3 粒飛星吉星 [ 一白六白八白 ] , 全部都併排分佈在東南 , 正南 , 西南方 , 亦即全部吉星以 180 度佔據了全屋之一半方向 .....
所謂吉凶悔吝生乎 [ 動 ] , 遇吉者以 [ 動者 ] 為旺 , 所以整年之屋內活動中心 , 應全部集中在該區域 , 以收 [ 旺星 ] 之福澤 , 帶來既當然係金錢 ..功名 ..利祿...啦
如是者 , 我把整個 Trading Desk , 大廳之擺設 , 生旺用之地燈 , 擺設等全部 [ 向南移 ] .... 為來年締造一個強勢運向
飛星...是一個天球 / 地球定位系統 , 是宇宙星體與地球各方各地之吉凶關係網絡
我幾乎可以寫一本 [ 飛星與星體之關係 ] 既藍本 , 不過 ....都係果句 , 寫來做乜呢 .....就算知 , 都未必用得到 ....試問今年如果你屋企既南方是廚房厠所的話 ....你唔通入去瞓咩 !
又係果句話 ....前緣 / 福蔭 ....一切都不由你揀 ....你只是棋一隻 , 任由上天擺佈 , 可變性少之又少 ....明未 .....
所以大部人一生中壞運是 default setup ( 條件有限 ) .....如果個個可以改運既話 , 就隨街都係李+X啦 , 只有知而又可以 [ 用 ] 既人先可以借盡天機 ....記住....只係借....要還架 !
呢個又係另一個故事 ...有時間再分享吧
Yam
沒有留言:
發佈留言