六安 ? ..... 定 GreenHorn ?

 

 

 

 

 

 

 

---------轉載 --------------------------------------------------------------------------------------------------------




【文亮言】林一鳴原來未經歷過環球金融海嘯（湯文亮）


林一鳴對雜誌說我不識銀行運作，如果買樓向銀行做按揭，無論有沒有向財務公司借錢，只要準時還款，就算樓價下跌，資不抵債，銀行都不會向業主追數。林兄果然一鳴驚人，如果他唔講，相信我都唔知道林兄從未經歷過環球金融海嘯，當時銀行怎樣追收差額，我相信不少物業投資者仍然記憶猶新。

做物業投資者的人，尤其是資深果隻，大多數知道向銀行借錢的遊戲規則，準時還款是最基本要求，就算在環球金融海嘯，資金緊絀，物業投資者一樣準時還錢，但銀行亦從不理會，只用一份測量師行的物業估價報告，認為物業有貶值可能，為免傷及銀行利益，便可以向物業投資者追收差額。當時，物業投資界風聲鶴唳，樓價亦為此曾經下跌超過兩成，雖然最後冇事，但亦令致不少物業投資者從此豹隱物業投資市場。


我講個秘密俾大家知，與投資者一起豹隠的還有當時做估價報告的測量師。現在，銀行已經唔相信那一班測量師，話當時的估價報告令銀行損失不少優質客戶，銀行內部自己做估價報告，如果想借錢，就估高D，唔想借錢，就估低D，如果想追差額，就用測量師果D， 由此來看，當時，測量師只不過是代罪羔羊，銀行早已經想向物業投資者追收差額。


我曾經經歷過環球金融海嘯，知道銀行是有權力向準時還款的客戶追收差額，故此向買細價樓的人勸籲，千祈唔好向財務公司借二按，否則就算準時還錢，銀行一樣會向有二按的業主追數。不過，林兄話沒有這回事，應該有買趁手，結果，樓價上升，我當然是做了醜人，大英雄當然是林兄，唔通是六嬸，三太公。

現在，金管局已經向所有銀行發出指引，要求他們關注所有客戶的按揭是否有在財務公司做二按，如果有，首按二按的貸款比率要遵從金管管局的指示一起計算，換句話說，即是要按揭客戶立刻清還所有二按，如果在指定的時間未能清還，就算那些客戶依期還款，銀行都會要求客戶立刻清還首按。

所以，若果聽從林兄勸籲，就算向財務公司借錢都要上車，只要準時還款銀行就不會追收按揭全數，今日就會很麻煩，就算想賣樓都唔得，樓價升都冇用，因為要付SSD，所以，一位生活在象牙寶塔，從未上戰場的人的建議，很多時並不能夠顧及全局，向銀行借錢，並不是準時還錢便可以，還有很多學問，那些是在戰場上的老兵才會了解，即使如此，老兵都不敢隨便俾意見給其他人，畢竟買樓是一生一件大事。



--------------------------------------------------------





學者就只係學者 , 冇經歷 , 得個講字 , 仲有另一個字 ....估字 ...靠估常理係咁就當真


今天同 Samuel 飲下午茶 , 佢先同我講 , 佢呢兩星期先經歷 / 領悟我以前講既 2007 年亂市中期權權金兩邊一齊升 , 書本裡冇教既真實悲慘故事 , 以前在公開大會有聽我講過呢個被迫  [ 斬倉三成 ] 既人 , 近期都應該體驗到了


有好多野 , 教科書 ....係冇講到咁深入既 , 有實際操盤經驗既 , 會視呢 d 不可說的秘密為行業中之秘技而唔肯透露 , 因為....好值錢


攪學術研究既始終欠缺既就是  [ 非常時期 , 用非常方法 ] 既經驗  , 所以近期瘋癲市況 , 我寧可沽出  condor / butterfly  收權金


http://yamgroup2013.blogspot.hk/2015/04/blog-post_15.html




....因為權金兩邊都脹 / 貴 .....今天權金 time decay 已經消耗左六成了 .....hhahahhahhah


 Btw .... 呢隻野郁啦喎 ....都話佢 period 到啦


http://yamgroup2013.blogspot.hk/2015/04/period.html





Yam