無常鬼 , 追魂 Call

 

 

 

 

 

今晚 ,有好沉重既失落感 .........



昨晚午夜收到老友太太來電通知 , 20 年既好友被送入精神病房.........接受觀察中 , 佢入院時就只提著要佢太太找我 , 今傍晚再收到消息 , 佢可能要送入病院 , 長期居留

此老友是與我共過患難 , 同佢有錢兩份駛 , 有飯兩份吃既朋友 , 佢亦係我學佛既接引師 , 亦師亦友 , 佢結婚後我地已好少聚面 , 只因大家都明白人總會有佢自己之生活 , 只會間中通電 , 一年吃兩三次飯也罷

佢博學多才 , 飽學之士 , 能通五律術數 , 有中醫底子 ,  佛學研究比我深厚 , 在家中常以辯經為樂 , 突然其來之壞消息 , 令我仿佛從天空中墜下來 , 整天忐忑不安 , 有一股不太舒服的感覺 , 從心裡湧出來 , 忍不住留了幾滴淚

無常鬼慣常在我們一不留神時 , 將我們打得落花流水 , 了無痕且深既切 ,  我等凡人又怎能招架得住呢 , 唯有倚靠平常修行之定力以作抵抗 , 免得過做了犧牲品也罷

但願他能早日康復 , 有機會再叙一叙此世之餘緣吧


阿彌陀佛 , 善哉 , 善哉 !




Yam